އާންމުންގެ ތަރުހީބު ލިބިފައިވާ، ދިރާގުގެ މަގުބޫލު ގުޑިފެސްޓް މާދަމާ ހުޅުމާލޭގައި އޮންނާނެ އެވެ.
ވީ ކިހިނެއް؟ - މި ރޯދަ މަހު ބާއްވާ ދެވަނަ ގުޑިފެސްޓް އޮންނާނީ މާދަމާ ހަވީރު 5 އިން 6އަށް ދިރާގު ބީޗުގައި، ހުޅުމާލެ ފޭސް 2އަށް ވަންނަ ސަރަހައްދުގަ އެވެ.
ތަފްސީލް - މި ރޯދަ މަހުގެ ފުރަތަމަ ގުޑިފެސްޓް ވަނީ މިދިޔަ ހުކުރު ދުވަހު މާލޭ އުސްފަސްގަނޑުގައި ބާއްވާފަ އެވެ. މި ހަރަކާތް ވެގެންގޮސްފައިވަނީ އާންމުންގެ ގިނަ ބަޔަކު ބައިވެރިވި، ހޫނު ތަރުހީބެއް ލިބުނު ހަރަކާތަކަށެވެ.
ހުރިހާ އުމުރުފުރާއެއްގެ ކުދިންނަށް ވެސް ބައިވެރިވެވޭ ގޮތައް ކުރިއަށްގެންދާ މި ހަރަކާތުގައި ބައިވެރިވާ ކޮންމެ ކުއްޖަކަށް ވެސް ދިރާގުން ގުޑިއެއް ހިލޭ ދޭނެ އެވެ.
ދިރާގު ގުޑިފެސްޓްއަކީ ރޯދަ މަހު ދިވެހިންގެ މެދުގައި އޮންނަ ޒަމާންވީ ސަގާފީ އާދަކާދައެއް ކަމުގައިވާ ގުޑި އެރުވުމަށް ގިނަ ކުދިން އަހުލުވެރި ކުރުވުމުގެ ގޮތުން 2023ގައި އެ ކުންފުނިން ފެށި ހަރަކާތެކެވެ. މިގޮތުން، ވޭތުވެދިޔަ ރޯދަ މަސްމަހާ އެއްފަދައިން، މި އަހަރު ވެސް ދިރާގު ގުޑިފެސްޓް މާލެ ސަރަހައްދުގެ އިތުރުން ރާއްޖޭގެ އެކި ކަންކޮޅުތަކުގައި ކުރިއަށްދާނެ އެވެ.
ފާހަގަކޮށްލެވޭ - ދިރާގުން އަންނަނީ ރޯދަ މަހާ ގުޅުވައިގެން އާންމުންނަށް ތަފާތު ހަރަކާތްތަކާއި އަގުހުރި އޮފާތައް ގެނެސްދީ، ދިވެހި ސަގާފަތާއި ކުރީގެ އާދަކާދަތައް ދިރުވުމަށް ގިނަ މަސައްކަތްތަކެއް ކުރަމުންނެވެ.