ރައްޔިތުންގެ މަޖިލީހުގެ އުނގޫފާރު ދާއިރާގެ ކުރީގެ މެންބަރު ޑރ. އަފްރާޝީމް އަލީ، ލިޔުއްވާފައިވާ ފޮތެއް މައުމޫން ފައުންޑޭޝަނުން ނެރެން ނިންމައިފިއެވެ.
މައުމޫން ފައުންޑޭޝަނުން މިއަދު ނެރުނު ބަޔާނެއްގައި ބުނީ، އަލްމަރްޙޫމް ޑރ.އަފްރާޝީމް ޢަލީ ލިއުއްވާފައިވާ ފޮތެއްކަމަށްވާ " "އަންހެނަކު އިސްލާމީ ޤައުމެއްގެ އެންމެ މަތީ މަޤާމު އަދާކުރުމަކީ ޝަރްޢީ ގޮތުން ހުއްދަ ކަމެއްތޯ؟" މައުމޫން ފައުންޑޭޝަންގެ ފަރާތުން ޗާޕްކޮށް ނެރުމަށް ހަމަޖެހިފައިވާ ކަމަށެވެ.
އެގޮތުން މި ފޮތް ނެރުމަށް ހަމަޖެހިފައިވަނީ، މި މަހުގެ 12 ވަނަ ދުވަހުގެރޭ 9 ޖަހާއިރު، ޝީ ބިލްޑިންގެ އާސާރީ މާލަމުގައި ބާއްވާ ހަފްލާއެއްގައެވެ.