ކަނޑުތައް ގަދަވާނެކަމަށް ލަފާކޮށް، މުޅި ރާއްޖެއަށް ނެރުނު ވައިޓް އެލަރޓްގެ ވަގުތު އިތުރުކޮށްފިއެވެ.
މެޓް އޮފީހުން ވަނީ މިއަދު 11:30އިން ފެށިގެން  ހަވީރު 17:30އަށް މުޅި ރާއްޖެއަށް ވައިޓް އެލަރޓް ނެރެފައެވެ.
އެ އޮފީހުން ބުނި ގޮތުގައި، މި ވަގުތުތަކުގައި މުޅި ރާއްޖެއަށް ބޯކޮށް ވާރޭވެހުމާއެކު ގުގުރާނެއެވެ.
Alert White is extended to over the country. pic.twitter.com/fCG68enRfo
— Maldives Meteorology (@MetMaldives) July 31, 2022
އަދި ގަޑިއަކު 19 މޭލާ 24 މޭލާ ދެމެދުގެ ބާރުމިނުގައި ވައިޖެހި ވިލާގަނޑުގައި ގަޑިއަކު 45 މޭލަށް ވައިގަދަވާނެކަމަށްވެސް ބުނެއެވެ.
މި ވިއްސާރައާއެކު ކަނޑުތައް ގަދަވާނެ ކަމަށް ލަފާ ކުރެވޭތީ، ދަތުރު ކުރާ ފަރާތްތަކުން އެކަމަށް ސަމާލުވުމަށް ކަމާބެހޭ ފަރާތްތަކުން ވަނީ އެދިފައެވެ.