ގދ. އަތޮޅާއި ފުވައްމުލަކު ސިޓީއާ ދެމެދު ބޭރުގެ ދެ މަސްބޯޓު އުޅޭކަމުގެ ރިޕޯޓު ލިބިގެން، އެ އުޅަނދުތައް ހުއްޓުވުމަށް މޯލްޑިވްސް ނޭޝަނަލް ޑިފެންސް ފޯސް (އެމްއެންޑީއެފް) އިން ހަރަކާތްތެރިވާން ފަށައިފިއެވެ.
އެމްއެންޑީއެފުން މައުލޫމާތު ދެއްވާފައިވާ ގޮތުގައި، ގދ. ފިޔޯރީގެ ހުޅަނގުން ގާތްގަނޑަކަށް 9 ނޯޓިކަލް މޭލު ބޭރުން ބޭރުގެ މަސްބޯޓުތަކެއް އުޅޭކަމަށް ފާހަގަކުރެވުމާއެކު، އެ އުޅަނދުތައް ހުއްޓުވަން ސިފައިން މިހާރުވަނީ ހަރަކާތްތެރިވާން ފަށާފައެވެ. މި ސަރަހައްދަކީ ގދ. އަތޮޅާއި ފުވައްމުލަކާ ދޭތެރޭ އޮންނަ އިކްއެޓޯރިއަލް ޗެނަލްގެ ތެރެއެވެ.