ކުޑަކުދިންގެ ޕްރައިވެސީއާ ޚިލާފުވެގެން ޓިކްޓޮކުން ދައްކަންޖެހޭ 400 މިލިއަން ޑޮލަރުގެ ސެޓްލްމަންޓް ފައިސާ، ޑޮނަލްޑް ޓްރަމްޕް ބޭނުންވާ ބޮޑު ބިނާއެއް އެޅުމަށް ބޭނުންކުރަން އުޅޭކަމުގެ ތުހުމަތުތަކެއް ފެންމަތިވެއްޖެއެވެ.
ޓިކްޓޮކާ ދެކޮޅަށް އުފުލާފައިވާ މި މައްސަލައަކީ ބެލެނިވެރިންގެ ހުއްދަނެތި ކުޑަކުދިންގެ ޒާތީ މަޢުލޫމާތު އެއްކުރުމާއި، އެ ކުދިންނަށް އަމާޒުކޮށް އިޝްތިހާރު ފޮނުވުމުގެ އިތުރުން ނުރައްކާތެރި ކޮންޓެންޓަށް އެކުދިން ހުށަހެޅޭ މައްސަލައެކެވެ.
ޓްރަމްޕް ދަނީ އެމެރިކާގެ ރަށްތައް ރީތިކުރުމުގެ ނަމުގައި 10 ބިލިއަން ޑޮލަރުގެ ވަކި ފަންޑެއް އުފެއްދުމަށްވެސް ބާރުއަޅަމުންނެވެ. ނަމަވެސް މިވަގުތު ވޮޝިންގޓަންގެ މޫނުމަތީގައި ލާން އުޅޭ މި އާ "ކުލައަކީ" ކުޑަކުދިންނަށް ލިބުނު އަނިޔާގެ ބަދަލުގައި ދޭންޖެހޭ ފައިސާކަމަށްވާތީ، ގިނަ ބަޔަކު ދަނީ މިއީ ވަރަށް ދަށު ދަރަޖައިގެ އަމަލެއްގެ ގޮތުގައި ސިފަކުރަމުންނެވެ.