އިސްލާމީ ކަންތައްތަކާއި އައުޤާފާބެހޭ ވުޒާރާއިން ކުރިއަށްގެންދާ ހަދީޘް ހިތުދަސްކުރުމުގެ މުބާރާތުގައި ބައިވެރިވުމުގެ ފުރުސަތު ހުޅުވާލައިފިއެވެ.
އިސްލާމީ ކަންތައްތަކާއި އައުޤާފާބެހޭ ވުޒާރާއިން ވިދާޅުވީ، މި ޕްރޮގްރާމަކީ އިމާމް އައްނަބަވީގެ 40 ހަދީޘް ހިތުދަސްކުރުމަށް ކުރިއަށްގެންދާ ޕްރޮގްރާމެއްކަމަށެވެ.
6 އަހަރުން މަތީގެ ފަރާތްތަކަށް ޚާއްސަކޮށްގެން ކުރިއަށްގެންދާ މި ޕްރޮގްރާމަކީ، 2 މަސްދުވަހަށް ކުރިއަށްގެންދާ ޕްރޮގްރާމެކެވެ.
މި ޕްރޮގްރާމުގައި ބައިވެރިވުމަށް ޝައުގުވެރިވާ ފަރާތްތަކުން ޕްރޮގްރާމުގެ ޕޯސްޓަރުގައިވާ ކިއުއާރް ކޯޑު ސްކޭންކޮށްގެން ޕްރޮގްރާމުގައި ބައިވެރިވޭނެއެވެ. އަދި އިސްލާމީ ކަންތައްތަކާބެހޭ ވުޒާރާގެ ވެބްސައިޓުގައިވާ ލިންކު މެދުވެރިކޮށްވެސް މުބާރާތުގައި ބައިވެރިވެވޭނެއެވެ.
މި ޕްރޮގްރާމުގައި ބައިވެރިވާން ޝައުޤުވެރިވާ ފަރާތްތަކަށް އެފުރުސަތު މިހާރުވަނީ ހުޅުވާލާފައެވެ. މި މުބާރާތުގައި ބައިވެރިވުމަށް އެދި ހުށަހެޅޭނީ މިމަހުގެ 30ވާ އަންގާރަ ދުވަހުގެ ނިޔަލަށެވެ.