އެސްޓާސް ބުކްޝޮޕްގެ ފަރާތުން ކުރިއަށް ގެންދިޔަ ސްކޫލް ސީޒަން ފެއާގެ ނަސީބުވެރި ފަރާތްތައް ހޮވައި އިނާމު ހަވާލު ކޮށްފިއެވެ.
ޑިސެމްބަރު މަހުގެ ކޮންމެ ހަފުތާއަކު ހަތަރު ނަސީބުވެރިން ހޮވި މި ޕްރޮމޯޝަންގެ ހަތަރު ވަނަ އަށް ދިޔަ މއ. ޑިއާ ފްރެންޑް ނައުފަލަށް ލިބުނީ 16 ޖީބީގެ އައިޕޮޑެކެވެ.
ތިން ވަނަ އަށް ދިޔަ ފާތިމަތު ރައިޔާ އަށް 16 ޖީބީގެ އައިޕެޑް އެއާއެއް ލިބުނުއިރު ދެ ވަނަ އަށް ދިޔަ އާސިމަށް ލިބުނީ ސެމްސަންގް ޓީވީއެކެވެ. އަދި 64 ޖީބީގެ އައިފޯނު ލިބިގެން އެއްވަނައަށް ދިޔައީ މައުވާ މުހައްމަދު ރަޝީދެވެ.
މި ފެއާގެ ގުރުއަތުގައި ބައިވެރިވި މީހުންގެ ތެރެއިން ގްރޭންޑް ޕްރައިޒްގެ ނަސީބުވެރިއަކަށް ލިޓަސް އޮޓޯމޮބައިލްސްގެ ފަރާތުން ހުށަހަޅާފައިވާ ސައިކަލު ލިބުނީ ފާތިމަތު ރައިޔާ އަށެވެ.
އެސްޓާސްއިން މިހާރު އިތުރު ޕްރޮމޯޝަނެއް ފަށައިގެން ކުރިއަށްދާކަން ފާހަގަކޮށްލެވެއެވެ. މި ޕްރޮމޯޝަނަކީ ބައިނަލްއަގްވާމީ އަންހެނުންގެ ދުވަހާ ގުޅިގެން "ޝެއާ އެންޑް ވިން ޕްރޮމޯޝަން"ގެ ނަމުގައި އެސްޓާސްގެ ފޭސްބުކް ޕޭޖުގައި ކުރިއަށް ދާ ޕްރޮމޯޝަނެކެވެ. މި ޕްރޮމޯޝަން ކުރިއަށް ދަނީ މި މަހުގެ ފުރަތަމަ ދުވަހުން ފެށިގެން އަށް ވަނަ ދުވަހުގެ ނިޔަލަށެވެ.