ރ. ރަސްގެތީމުން މަރުވެފައި އޮތް މީހަކު ރޭ ފެނިއްޖެއެވެ. ފުލުހުން ބުނީ، މިއީ އެ ރަށުގައި އެކަނި ދިރިއުޅުނު މީހެއްގެ ޚަބަރެއް ނުވާތާ ދެ ދުވަސްވެފައިވާ ކަމަށް ފުލުހުންނަށް ލިބުނު ރިޕޯޓަކާ ގުޅިގެން ރޭ 21:53 އެހާކަންހާއިރު ބެލިއިރު، މަރުވެފައި އޮތް މީހެއްގެ ހާދިސާ ކަމަށެވެ. މި ހާދިސާގައި މަރުވެފައި އޮއްވާ ފެނުނީ، ސޯސަންގެ / ރ.ރަސްގެތީމު، އިބްރާހީމް ޔޫސުފުފުޅު (55އ) އެވެ. މި މައްސަލައާ ގުޅިގެން ފުލުހުން މިހާތަނަށް ބެލިބެލުމުން، އެ މީހާގެ ހަށިގަނޑުގެ ބޭރުފުށުން އެއްވެސް އަނިޔާއެއްގެ ނިޝާނެއް ފެނިފައިނުވާ ކަމަށް ފުލުހުން ބުންޏެވެ. މި މައްސަލަ ފުލުހުން އަންނަނީ ތަހުގީގުކުރަމުންނެވެ.