ފުލުހުންގެ އަމުރަށް ނުކިޔަމަންތެރިވުމުގެ ކުށުގައި މާލޭ ސިޓީ ކައުންސިލްގެ ގަލޮޅު ދެކުނު ދާއިރާގެ މެންބަރު އިބްރާހިމް ޝުޖާއު ހައްޔަރުކޮށްފި އެވެ.
ފުލުހުންގެ މީޑިޔާ އޮފިޝަލް ވިދާޅުވީ ފުލުހުންނަށް ނުކިޔަމަންތެރިކަން ދެއްކުމުގެ ކުށުގައި ފިރިހެނަކު ހައްޔަރުކޮށްފައިވާ ކަމަށެވެ. ނަމަވެސް ހައްޔަރުކުރީ ސުޖާއު ކަމެއް ނުވަތަ ސުޖާއު ނޫން ކަމެއް ވެސް ފުލުހުން ނުބުނެ އެވެ.
މީޑިއާ އޮފިޝަލް އިތުރަށް ވިދާޅުވީ އެ މީހާ ހައްރުކޮށްފައިވަނީ މިއަދު އިރުއޮއްސި 6:45 އެހާކަންހާއިރު ސައިކަލްގައި ފޯނުން ވާހަކަ ދައްކަމުން ދަނިކޮށް މަޑުކުރުމަށް އެދުމުން ފުލުހުންގެ އެ އަމުރަށް ނުކިޔަމަންތެރިކަން ދެއްކުމުން ކަމަށާއި އެމީހާ އަދިވެސް ހުރީ ފުލުހުންގެ ބެލުމުގެ ދަށުގައިކަމަށެވެ
ޝުޖާއަކީ ޑީއާރްޕީގެ ޓިކެޓުގައި މާލޭ ސިޓީ ކައުންސިލަށް ހޮވިވަޑައިގެންފައިވާ ބޭފުޅެކެވެ.