ކުރީގެ ރައީސް މުހައްމަދު ނަޝީދަށް ސްރީލަންކާގައި ދޭން އުޅުނު ކަމަށް ބުނާ ހަމަލާ ރައީސް މައުމޫން އަބްދުލްގައްޔޫމް ކުށްވެރިކުރައްވައިފި އެވެ.
ރައީސް މައުމޫން ކުރެއްވި ޓްވީޓެއްގައި ވިދާޅުވީ ލަންކާގައި ދިރިއުޅޭ ދިވެހިންނާ ބައްދަލުކުރެއްވުމަށް ނަޝީދު ނިންމަވާފައިވަނިކޮށް އެމަނިކުފާނަށް ހަމަލާއެއް ދޭން އުޅުނު ކަމަށް ބުނެ އެ ބައްދަލުވުން ކެންސަލްކުރަން ޖެހުމުން އެކަމާ ވަރަށް ބޮޑަށް ކަންބޮޑުވެވަޑައިގަންނަވާ ކަމަށެވެ. އިސްލާހަށް މަސައްކަތް ކުރާ ފަރާތްތަކުން އެފަދަ އަމަލުތައް ވަރަށް ބޮޑަށް ކުށްވެރިކުރައްވާ ކަމަށްވެސް ރައީސް މައުމޫން ވަނީ ވިދާޅުވެފަ އެވެ.