ދިވެހި އަންހެނުންގެ ސަބަބުން ރަނގަޅު މީހުން ނުބައި ވުމަކީ އެކަން ހިނގަމުންދާ ގޮތް ކަމަށް ވިދާޅުވެ އިއްޔެ ހަވީރު ޓްވީޓްކުރެއްވުމާ ގުޅިގެން އާންމުންގެ ނުރުހުން އިންތިހާއަށް އަމާޒުވުމުން އެ ޓްވީޓްތައް ޑިލީޓްކުރެއްވުމަށްފަހު، 3-ޑަބްލިޔޫ އަކީ ކޮބައިކަން އުމަރު މިއަދު ތަފްސީލްކޮށްދެއްވައިފިއެވެ.
ކާޑު އަގުބޮޑުވުމާ ބެހޭގޮތުންވެސް ބޮޑު ބަޔާނެއް ނެރުއްވި ފަދައިން، އޭގެ ދެވަނަ އަދަދުގެ ގޮތުގައި މިއަދު އުމަރު މައުލޫމާތު ހުށަހަޅުއްވައިދެއްވީ 3-ޑަބްލިޔޫއާ ބެހޭގޮތުންނެވެ.
އުމަރު ނަސީރާ ހަވާލާދީ ތިންވަނަ ފަރާތަކުން ލިޔެފައިވާ ލިޔުމެއްގެ ގޮތުގައި އުމަރު މިއަދު ނެރުއްވި ބަޔާނުގައި ބުނެފައިވަނީ އޭނާ އިއްޔެ ކުރެއްވި ޓްވީޓްތަކުގެ ބޭނުން ފުދިއްޖެކަމަށެވެ.
ނަމަވެސް، އެ ޓްވީޓްތައް ޑިލީޓްކުރެއްވީ މަޤުޞަދު ހާސިލުވުމުން ކަން ނުވަތަ "އަތަށް ގޮވުމުން" ކަން އުމަރު ހާމަކުރައްވާފައެއް ނުވެއެވެ.