ރާއްޖޭގެ ފަތުރުވެރިކަމުގެ ދާއިރާގެ އެންމެ ފާހަގަކޮށްލެވޭ ބީޓުބީ މީޑިއާ ގްރޫޕް، ހޮޓެލިއާ މޯލްޑިވްސް އިން ދޭ 'ހޮޓެލިއާ މޯލްޑިވްސް އެވޯޑްސް 2025' އަންނަ މަހު 14ގައި ބާސެލޯ ނަސަންދުރަ މާލެ ހޮޓަލުގައި ބާއްވަން ނިންމައިފި އެވެ.
ތަފްސީލް - ރާއްޖޭގެ އެންމެ ގިނަ ދުވަސްވީ އަދި މަގުބޫލު ހޮސްޕިޓަލިޓީ މަޖައްލާ ކަމަށްވާ ހޮޓެލިއާ މޯލްޑިވްސް އިން ދޭ މި އަހަރުގެ އެވޯޑަށް ކުރިމަތިލުމުގެ ފުރުސަތު 1 ޖެނުއަރީން 10 ފެބްރުއަރީއަށް ހަމަވިއިރު، 450އަށް ވުރެ ގިނަ ފަރާތުގެ ހުށަހެޅުން ލިބިފައިވެ އެވެ.
މި ހުށަހެޅުންތައް ވަނީ:
6 މެންބަރުންގެ ފަނޑިޔާރުންގެ ޕެނަލަކުން ވަޒަންކޮށް މާކްސް ދީފައި
އެވޯޑު ލިބޭ ފަރާތްތައް ކަނޑައަޅަނީ ފަނޑިޔާރުންގެ މާކްސްގެ %60 އާއި 25 މާޗުން 25 އޭޕްރީލްގެ ނިޔަލަށް ކުރިއަށްގެންދިޔަ އާންމު ވޯޓުގެ %40 ހިމެނޭ ގޮތަށް
ބެސްޓްބައި މޯލްޑިވްސް (ބީބީއެމް)ގެ ޓައިޓަލް ސްޕޮންސަޝިޕްގެ ދަށުން ބާއްވާ މިއަހަރުގެ އެވޯޑަށް އަލަށް ހަތަރު ކެޓަގަރީއެއް އިތުރުކޮށްފައިވެ އެވެ. އެއީ:
ވޯޓަސްޕޯޓްސް ޕާސަނަލިޓީ އޮފް ދަ އިޔާ 
ޑައިވިން ޕާސަނަލިޓީ އޮފް ދަ އިޔާ 
އެއާޕޯޓް ރެޕްރެޒެންޓެޓިވް އޮފް ދަ އިޔާ
 ރިސޯޓް މެނޭޖާ އޮފް ދަ އިޔާ
ކުރީގެ މަޝްހޫރު ނަސަންދުރާ ޕެލަސް ހޮޓާ ހުރި ބިމުގައި ތަރައްގީކުރި ބާސެލޯ ނަސަންދުރާ މާލެ ހޮޓާ، މާލޭގައި ހުޅުވި އެންމެ ފުރަތަމަ ފަސް ތަރީގެ ހޮޓާ އަދި އެންމެ ބޮޑު ހޮޓާގެ ގޮތުގައި ހުޅުވީ މިދިޔަ މަހު 28 އޭޕްރީލްގަ އެވެ.
މި ހޮޓަލުގައި:
136 ކޮޓަރި
116 އެޕާޓްމަންޓް؛ ދުވަހުން ދުވަހަށް ކުއްޔަށް ދޫކުރޭ 
ހަތަރު ރެސްޓޯރަންޓް 
ޖިމަކާއި ސްޕާއެއް 
ބޮޑު ސްވިމިން ޕޫލެއް 
1،034 އަކަފޫޓުގެ ބޮޑު ކޮންފަރެންސް ސެންޓަރެއް
ފާހަގަކޮށްލެވޭ - ހޮޓެލިއާ މޯލްޑިވްސް އެވޯޑްސް 2025ގެ ސްޕޮންސަރުންނާއި ޕާޓްނަރުންގެ ތެރޭގައި ހިމެނެނީ:
ޓައިޓަލް ސްޕޮންސަރު: ބެސްޓްބައި މޯލްޑިވްސް (ބީބީއެމް)
ޑިޖިޓަލް ޕާޓްނަރު: ދިރާގު
ބޭންކިން ޕާޓްނަރު: ބޭންކް އޮފް މޯލްޑިވްސް (ބީއެމްއެލް)
ގޯލްޑް ސްޕޮންސަރު: މޯލްޑިވްސް އެއާޕޯޓްސް ކޮމްޕެނީ ލިމިޓެޑް (އެމްއޭސީއެލް)
ބެވަރޭޖް ޕާޓްނަރު: މާލޭ އެރޭޓެޑް ވޯޓާ ކޮމްޕެނީ (އެމްއޭޑަބްލިޔުސީ)
އެސޯސިއޭޓް ސްޕޮންސަރު: އެލިއާ އިންވެސްޓްމަންޓްސް
މީޑިއާ ޕާޓްނަރު: މޯލްޑިވްސް ޓީވީ
ސަޕޯޓިން ޕާޓްނަރުން: މޯލްޑިވްސް އިންސައިޑާ، އޫފީ އަދި ލައިޓްސްއައުޓް ސްޓޫޑިއޯސް