ޕްރޮސިކިއުޓާ ޖެނެރަލް ހުސެއިން ޝަމީމް މަގާމުން ވަކިކުރުމުގެ މައްސަލައިގައި ޖަވާބުދާރީވުމުގެ މައްސަލަތަކާ ގުޅިގެން ހުށަހަޅަންޖެހޭ ލިޔެކިޔުން އަދިވެސް ހުށަހަޅާފައިނުވާކަމަށް ޖުޑިޝަރީ ކޮމިޓީގެ މުގައްރިރު އަދި މަނަދޫ ދާއިރާގެ މެމްބަރު ހުސްނީ މުބާރަކް ވިދާޅުވެއްޖެެއެވެ.
ޕްރޮސިކިއުޓާ ޖެނެރަލް ހުސެއިން ޝަމީމް މަގާމުން ވަކިކުރުމުގެ މައްސަލައިގައި ޖަވާބުދާރީވުމަށް މިއަދު އޭނާ މަޖިލީހުގެ ޖުޑިޝަރީ ކޮމިޓީއަށް ހާޒިރުކުރާތީ އެ ކޮމިޓީގެ ބައްދަލުވުން ސިއްރު ނުކޮށް، ޢާންމުންނަށް ހުޅުވާލައިގެން ބޭއްވުމަށް އޭނާވަނީ އެދިވަޑައިގެންފައެވެ. އެހެންނަމަވެސް 10:30 ގައި ބޭއްވި ކޮމިޓީ ވަނީ ސިއްރުކޮށްފައެވެ. އިއްޔެގެ ނިޔަލަށް އެ މައުލޫމާތުތައް ހޯދުމަށް ކޮމިޓީއަށް ހުށަހެޅުއްވީ ޕީޖީ ޝަމީމު ވަކިކުރުމުގެ މައްސަލަ ވެސް ކޮމިޓީއަށް ހުށަހެޅުއްވި ފުވައްމުލަކު މެދު ދާއިރާގެ މެންބަރު އަލީ ފަޒާދެވެ.
މަޖިލީހުގެ ގަވާއިދުގައި އޮންނަ ގޮތުން ޝަމީމް ޖަވާބުދާރީވުމަށް ދިން 5 ދުވަހުގެ މުއްދަތު އިއްޔެ ހަމަވެފައިވާތީ ޖެހިގެން އަންނަ ދުވަހަކަށް ޖަވާބުދާރީވުމުގެ ފުރުސަތު ދޭންޖެހެއެވެ. އެހެންކަމުން މިއަދުގެ ޖުޑިޝަރީ ކޮމިޓީއަށް ޝަމީމް ހާޒިރުކުރާނެއެވެ.
ޝަމީމް މަގާމުން ވަކިކުރުމަށް ހުޅުދޫ ދާއިރާގެ މެމްބަރު މުހައްމަދު ޝާހިދު ހުށަހެޅުއްވީ ގާނޫނު އަސާސީއާ ހިލާފަށް ޝަމީމް އަމަލުކުރަމުންދާ ކަމަށް ވިދާޅުވެއެވެ.
ޕީޖީގެ މަގާމުން ޝަމީމް ވަކިކުރަން 20 ވަނަ މަޖިލީހަށް ހުށަހަޅާފައިވާއިރު މަޖިލީހުގެ ގަވާއިދު ބުނާގޮތުން ޕީޖީގެ މަގާމުން ޝަމީމް ވަކިކުރެވޭނީ، އެ މަސައްކަތް ފެށުމަށް ކޮމިޓީން ނިންމުމުންނެވެ. އެއަށް ފަހު އެ މައްސަލަ ތަޅުމުގައި އިއުލާނުކުރާއިރު، ވަކިކުރުމާ މެދު ގޮތެއް ނިންމައި ތަޅުމަށް ހުށަހަޅާނީ އޭގެ ފަހުންނެވެ.