ގާސިމް، ސިޔާމް އަދި ނާޒިމްގެ ގޮނޑިއަށް ޕީއެންސީއިން ވާދަ ނުކުރާނެ

ޕީއެންސީއާއި ކޯލިޝަން ހަދާފައިވާ އެމްއެންޕީގެ ލީޑަރ ކާނަލް ނާޒިމް ވާދަކުރައްވާ ދާއިރާގެ އިތުރުން، ޖުމްހުރީ ޕާޓީގެ ލީޑަރު ގާސިމް އިބްރާހީމްއާއި އެމްޑީއޭގެ ރައީސް ސިޔާމްގެ ގޮޑިއަށްވެސް ވާދަ ނުކުރަން ޕީއެންސީން ނިންމާފައިވާ ކަމަށް އެޕާޓީގެ ޗެއަރޕާސަން އަބްދުއްރަހީމް ވިދާޅުވެއްޖެ އެވެ.
މިއަދު ޕީއެންސީން ބޭއްވި ނޫސްވެރިންގެ ބައްދަލުވުމުގައި އަބުދުއްރަހީމް ވިދާޅުވީ އެމްއެންޕީގެ ލީޑަރު ކާނަލް ރިޓަޔަރޑް މުހައްމަދު ނާޒިމްގެ އިތުރުން އެމްޑީއޭގެ ލީޑަރު އަހުމަދު ސިޔާމް މުހައްމަދު ވާދަކުރައްވާ މީދޫ ދާއިރާގެ ގޮނޑިއާއި، މާމިނގިލީ ދާއިރާގެ މެމްބަރު ޤާސިމް އިބްރާހިމަށް ވެސް އެދާއިރާ ދޫކޮށްލާން ޕީއެންސީން ނިންމާފައިވާ ކަމަށެވެ.
އަންނަ ހޮނިހިރު ދުވަހު އޮންނަ ޕީއެންސީ ކޯލިޝަން ޕްރައިމަރީގައި 283 ކެންޑިޑޭޓުން ވާދަކުރެ އެވެ.
މި ދާއިރާތަކުން ކޮންގްރެސް ޕާޓީގައި ޕްރައިމަރީއަށް ނުދާން ނިންމީ އެ ލީޑަރުންނަށް އިހުތިރާމް ކުރުމުގެ ގޮތުން ކަމަށާއި ކޮންގްރެސް ޕާޓީން ކުރިން ވެސް އެއްބަސްވެވުނީ ގުޅިގެން ހުރިހާ ގޮނޑިއަކަށް ވެސް ވާދަކުރައްވަން ކަމަށް އަބްދުއްރަހީމް ވިދާޅުވި އެވެ.
ޕީޕީއެމް ކޯލިޝަނުގެ 13 ދާއިރާއަކުން ވަނީ ޕްރައިމަރީއާ ނުލާ ޓިކެޓު ކަށަވަރުވެފައެވެ.
އަރުޝީފަށް ނެގީ
އެންމެފަހުން އަޕްޑޭޓްކުރީ