ލޯކަލް ގަވަމެންޓް އޮތޯރިޓީ (އެލްޖީއޭ)ގެ ބޯޑު އެކުލެވިގެންވާ ގޮތް މުޅިން ބަދަލުކޮށް ބޯޑު އައްޔަންކުރުމުގެ ހުރިހާ ބާރެއް ރައީސުލްޖުމްހޫރިއްޔާއަށް ލިބޭ ގޮތް ހެދުމަށް ލާމަރުކަޒީ ގާނޫނަށް ހުށަހަޅާފައިވާ އިސްލާހަށް އެލްޖީއޭގެ ކުރީގެ ރައީސް އުމަރު ނަސީރު ތާއީދުކުރައްވައިފި އެވެ.
މިއިސްލާހަށް ތާއީދުކުރައްވާ އުމަރު މިއަދު ކުރެއްވި ޓްވީޓެއްގައި ވިދާޅުވީ ކައުންސިލް ތަކަކީ މިނިވަން މުއައްސަސާތަކެއް ނޫން ކަމަށެވެ. އޭގެ ބަދަލުގައި ކައުންސިލް ތަކަކީ ސަރުކާރުގެ ފަށަލައެއް ކަމަށާއި މިއިސްލާހުގެ ސަބަބުން އެކަން އިތުރަށް ޔަގީންކޮށްދޭނެ ކަމަށެވެ.
"[މިއީ] ރަނގަޅު ބަދަލެއް،" ކުރިން ހޯމް މިނިސްޓަރު ކަންވެސް ކުރެއްވި އުމަރު ވިދާޅުވި އެވެ.