124 ވަނަ ސިފައިންގެ ދުވަހުގެ މުނާސަބަތުގައި ބާއްވާ އާއިލީ ހަވީރު ދެ ދުވަހުު ކުރިއަށްގެންދިޔުމަށް ހަމަޖެހިއްޖެއެވެ.
އާންމުކޮށް ހުޅުވާލެވިގެން ބާއްވާ ސިފައިންގެ އާއިލީ ހަވީރު ހުޅުވުމުގެ ރަސްމިއްޔާތު ބޭއްވުމަށް ހަމަޖެހިފައިވަނީ މާދަމާ 16:00 ގައެވެ.
މި އާއިލީ ހަވީރު އޮންނާނީ މާދަމާ އާއި ހޮނިހިރު ދުވަހު، 16:00 ން 18:00 އަށް ޖުމުހޫރީ މައިދާނުގައެވެ.
ސިފައިންގެ އާއިލާތަކަށާއި އާންމުންނަށް ހުޅުވާލައިގެން ކުރިއަށްގެންދާ މި އާއިލީ ހަވީރުގައި ތަފާތު އެކިހަރަކާތްތައް ކުރިއަށްގެންދާނެއެވެ. މިގޮތުން ސިފައިން ބޭނުންކުރާ ބައެއް އެއްގަމު އުޅަނދުތަކާއި ސިފައިންގެ ޔުނީފޯމްތަކުގައި ފޮޓޯނެގުމާއި އަދި މީގެއިތުރުން ކުޑަކުދިންނަށް ޚާއްޞަކޮށްފައިވާ ކުޅިވަރުތަކާއި ސިފައިންގެ ޔުނިޓްތައް ރަމްޒުކޮށްދޭ ސްޓޯލްތަކާއި ތަފާތު މޫދު ކުޅިވަރުތައް މި އާއިލީ ހަވީރުގައި ހިމެނޭނެއެެވެ.
މީގެއިތުރުން ކޯސްޓްގާޑް ޝިޕްތަކަށް ޒިޔާރަތްކޮށްލުމުގެ ފުރުޞަތާއި މުނިފޫހިފިލުވުމުގެ ތަފާތު ހަރަކާތްތަކާއި އެކު ސްޓޭޖް ޝޯއެއް މި އާއިލީ ހަވީރުގައި އޮންނާނެއެވެ.