ކަޅުހުރާ މަގުގައި ހުރި ލިލީ އެފް އެންޑް ބީ ނަމަކަމަށް ކިޔާ ފިހާރާގައި ކަރަންޓް ޝޯޓެއްވެ، އަލިފާން ރޯވެއްޖެ އެވެ.
އެ ހާދިސާ ހިނގާފައި ވަނީ ރޭ ފަތިހު 05:08 ހާއިރު އެވެ. އެ ހާދިސާގެ މަޢުލޫމާތު ލިބުމާއެކު އެއެމްޑީއެފްގެ ފަޔާމަނުން އެ ސަރަޙައްދަށް ގޮސް މާގިނަ އިރުތަކެއް ނުވެ އަލިފާން ވަނީ ނިއްވާލާފަ އެވެ.
އެމްއެންޑީއެފުން ބުނީ އެ ހާދިސާގައި ރޯވެފައި ވަނީ ކަރަންޓް ޝޯޓުވި ތަނުގައި ހުރި ޓިޝޫ ފޮއްށިތަކެއްގައި ކަމަށެވެ. ލިލީ އެފް އެންޑް ބީ ފިހާރާގައި ހިނގި އަލިފާނުގެ ހާދިސާގެ ސަބަބުން ކޮންމެ ވެސް ވަރަކަށް ފިހާރައިގައި ހުރި މުދަލަށް އަލިފާނުގެ އަސަރުކޮށްފައިވާ ކަމަށް އެންއެންޑީއެފުން ބުންޏެވެ.
އެ ހާދިސާގައި އެއްވެސް މީހަކަށް ގެއްލުމެއް ނުލިބެ އެވެ. އެމްއެންޑީއެފާއި ފުލުހުން ގުޅިގެން އެ ހާދިސާ އިތުރަށް ދަނީ ތަހުގީގު ކުރަމުންނެވެ.