އިސްލާމީ ފަތުވާ ދޭ ތަންތަނުގެ މަސައްކަތް ވިލަރެސް ކުރުމަށްޓަކައި މިސްރުގެ ގާހިރާގައި މިއަދު އުފެއްދި ޖެނެރަލް ސެކްރެޓޭރިއޭޓްގެ އިސް މެމްބަރުންގެ ތެރޭގައި ރާއްޖޭގެ ކުރީގެ ރައީސް މައުމޫން އަބްދުލް ގައްޔޫމް ހިމެނިވަޑައިގެންފި އެވެ. އެ ސެކްރެޓޭރިއޭޓްގައި ތިއްބަވަނީ 21 މެމްބަރެކެވެ. މައުމޫން މިއަދު ކުރެއްވި ޓްވީޓެއްގައި ވިދާޅުވީ ސެކްރެޓޭރިއޭޓްގެ އެންމެ މަތީ މަޖިލީހުގެ 21 މެމްބަރުންގެ ތެރެއިން އެއް ބޭފުޅެއްގެ ގޮތުގައި އެމަނިކުފާނު ހިމެނުއްވީތީ ﷲ އަށް ހަމްދު ކުރައްވާ ކަމަށެވެ.