ރައްޔިތުންގެ މަޖިލީހުގެ ދިއްދޫ ދާއިރާގެ މެމްބަރު އަހްމަދު ސަމީރު ދިރިއުޅުއްވާ ގެ ފަޅާލައި އޭނާގެ ހާޑް ޑްރައިވް އަކާއި ދެ އައިފޯން ވަގަށް ގެންގޮސްފި އެވެ.
ސަމީރު ވިދާޅުވީ އޭނާގެ ގެ ފަޅާލައި ބައެއް ތަކެތި ވަގަށް ގެންދިޔައީ މިއަދު 30: 11 ހާއިރު ކަމަށެވެ.
"އަޅުގަނޑުގެ ކޮޓަރީގައި ހުރި އެއްޗެހި ވަގަށް ގެންދިޔައީ. ކޮޓަރި އަށް ވަދެފައި ހުރީ ތަޅު ހަލާކުކޮށްލައިގެން. މިހާރު ގޭގައި އުޅެނީ އަޅުގަނޑު އެކަނި،" ސަމީރު ވިދާޅުވި އެވެ.
އޭނާ ވިދާޅުވި ގޮތުގައި ހާޑް ޑްރައިވް އަކާއި ދެ އައިފޯނުގެ އިތުރުން ވަޔަލެސް މައުސް އަކާއި ޓްރެވަލް ބޭގެއް ވެސް ވަގަށް ގެންދިޔަ އެވެ.
ސަމީރުގެ ގެ ފަޅާލައި ވައްކަން ކުރި ކަމަށާއި އެ މައްސަލަ ބަލަމުން އަންނަ ކަމަށް ފުލުހުން ބުންޏެވެ.