މާލޭގެ މާފަންނު އަވަށުގެ ބައެއް ސަރަހައްދުތަކުން ކަރަންޓުގެ ހިދުމަތް މެދުކެނޑިއްޖެއެވެ.
ސްޓެލްކޯ އިން ބުނީ ވީ އެންމެ އަވަހަކަށް މައްސަލަ ހައްލުކޮށް، މެދުކެނޑިފައިވާ ސަރަހައްދުތަކަށް އަލުން ކަރަންޓުގެ ހިދުމަތް ފޯރުކޮށްދިނުމަށް މަސައްކަތް ކުރެވެމުންދާ ކަމަށެވެ.
ކަރަންޓުގެ ހިދުމަތް މެދުކެނޑުމުގެ ސަބަބުން ކަސްޓަމަރުންނަށް ދިމާވާނެ ދަތިތަކަށްޓަކައި ސްޓެލްކޯ އިން ވަނީ މައާފަށް އެދިފައެވެ. ނަމަވެސް ކަރަންޓު އަލުން ލިބޭނެ ސީދާ ވަގުތެއް އެ ކުންފުނިން އަދި ހާމަކޮށްފައެއް ނުވެއެވެ.