ސަރުކާރުގެ "ބޯހިޔާވަހިކަން އެއްމެނަށް" ގެ ސިޔާސަތުގެ ދަށުން، ކުރީ ސަރުކާރުން ދޫކުރި ބިންވެރިޔާ ސްކީމުގެ ތެރެއިން ގުޅިގެން ގޯތި ލިބިފައިވާ ފަރާތްތަކުން، ގޯތި ދޫކޮށްލުމުން ވަކިން ގޯއްޗަށް އެދެވޭ ސްކީމަށް ކުރިމަތިލާން ހުޅުވާލައިފިއެވެ.
ހައުސިންގ މިނިސްޓްރީއިން ބުނެފައިވަނީ، މިސްކީމްގެ ދަށުން ގޯތި ދޫކުރުމަށް ހަމަޖެހިފައިވަނީ ރަސްމާލެއިން ކަމަށާއި، ދޫކުރެވޭ ގޯތިތަކުގެ ބޮޑުމިނަކީ 1250 އަކަފޫޓް ކަމަށެވެ.