ދިފާއީ ގުޅުން ވަރުގަދަކުރަން މެލޭޝިއާއާއެކު ޑިފެންސް މިނިސްޓަރު މުހައްމަދު ޣައްސާން މައުމޫން މަޝްވަރާކޮށްފި އެވެ.
މި މަޝްވަރާތައް ކުރިއަށް ގެންގޮސްފައިވަނީ މެލޭޝިއާގައި ކުރިއަށްދާ ލަންގްކާވީ އިންޓަނޭޝަނަލް މެރިޓައިމް އެންޑް އޭރޯސްޕޭސް އެކްޒިބިޝަންގެ ހަވާސާގައި މެލޭޝިއާގެ ޑިފެންސް މިނިސްޓަރު މުޙައްމަދު ޚާލިދު ބިން ނޯޑިންއާއެކު ބޭއްވި ބައްދަލުވުމުގަ އެވެ.
ޑިފެންސް މިނިސްޓްރީން ބުނީ މި ބައްދަލުވުމުގައި މަޝްވަރާތައް މައިގަނޑު ގޮތެއްގައި ބިނާކޮށްފައިވަނީ ދެ ފަރާތުގެ މަސްލަހަތު ހިމެނޭ ސަލާމަތީ ކަންކަމާއި ގުޅޭގޮތުންނާއި ދިފާއީ ގޮތުން ދެ ގައުމުގެ ދެމެދުގައި ގުޅުން ބަދަހިކުރުމާ ގުޅޭގޮތުން ކަމަށެވެ.
Defence minister @mgmaumoon met his Malaysian counterpart Datuk Seri Mohamed Khalid Nordin on the sidelines of Langkawi International Maritime and Aerospace Exhibition 2025 (LIMA 25) today. The discussions were focused on matters of mutual security concerns and on strengthening… pic.twitter.com/ljpvkXFig0
— Ministry of Defence (@MoDmv) May 20, 2025
މި އެކްޒިބިޝަންގައި 24 ގައުމަކުން 860 ފަރާތަކުން ބައިވެރިވެ އެވެ.
މިއީ ދެކުނު އިރުމަތީ އޭޝިއާ ސަރަހައްދުގައި ބާއްވާ އެންމެ ބޮޑު އެއް މެރިޓައިމް އެންޑް އޭރޯސްޕޭސް އެކްޒިބިޝަނެވެ.