ނޭޝަނަލް އިންޓެގްރިޓީ ކޮމިޝަން (އެންއައިސީ) ގެ މެމްބަރުކަމަށް ހަތް ފަރާތަކުން ކުރިމަތިލައިފި އެވެ.
އިންޓެގްރިޓީ ކޮމިޝަންގެ މެމްބަރު ކަމަށް ކުރިމަތިލުމުގެ ފުރުސަތު ހުޅުވާލެވުނީ އެ ކޮމިޝަންގެ ރައީސްކަމުގެ މަޤާމުގައި ކުރިން ހުންނެވި ގ. އަތަ، ޔޫސުފް މާނިއު މުހައްމަދު އެންއައިސީގެ ރައީސްކަމުގެ މަޤާމުންނާއި އެ ކޮމިޝަންގެ މެމްބަރުކަމުން ވަކި ކުރުމުން މެމްބަރުކަމުގެ މަޤާމެއް ހުސްވެފައި އޮތުމުންނެވެ.
އެގޮތުން އެ ކޮމިޝަންގެ މެމްބަރުކަމަށް ކުރިމަތިލުމަށް ހުޅުވާލި ތިންވަނަ ފުރުސަތުގައި ޖުމްލަ ހަތް ފަރާތަކުން ވަނީ މެމްބަރުކަމަށް ކުރިމަތިލާފަ އެވެ.
ރައީސް އޮފީހުން މަޢުލޫމާތު ދޭގޮތުގައި ވަރަށް އަވަހަށް ނޭޝަނަލް އިންޓެގްރިޓީ ކޮމިޝަނަށް މެމްބަރަކު އައްޔަން ކުރެވިގެންދާނެ އެވެ.