މި އަހަރުގެ އަޟްޙާ ޢީދު ދުވަސް ފާހަގަ ކުރުމަށް، ރައްޔިތުން ހިންގާ ޙަރަކާތްތަކަށް މަގުފަހިކުރުމަށް ޓަކައި، ޢީދު ދުވަހުގެ ހަވީރު 16:00އަވީރު 16:00އިން 18:00އަށް މާލެ، ވިލިމާލެ އަދި ހުޅުމާލޭގައި ހިމެނޭ އާންމު ހުރިހައި މަގުތަކުގައި، ދުއްވާ އެއްޗެހި ދުއްވުން މަނާ ކަމެއް ކަމުގައި މާލެ ސިޓީ ކައުންސިލުން ހަމަޖައްސައިފިއެވެ.
މާލެ ސިޓީ ކައުންސިލުން ކޮށްފައިވާ ޢާންމު އިޢުލާނެއްގައި ބުނެފައިވާ ގޮތުގައި، އެ ވަގުތުތަކުގައި ދުއްވާ އެއްޗެހި ދުއްވުން މަނާކުރި ނަމަވެސް، އިމަޖެންސީ ހާލަތްތަކުގައި ދަތުރުކުރާ ވެހިކަލްތަކަށް ދޫކުރާ ޚާއްޞަ ސްޓިކާ، އެ ކައުންސިލްގެ ޢާއްމު ޚިދުމަތާއި ބެހޭ ބައި (ތައިސޭކޮށިން) ދޫ ކުރުމަށް ހަމަޖެހިފައިވެއެވެ. މި ސްޓިކާ ދޫކުރުމަށް ހަމަޖެހިފައިވަނީ، ޖޫން 6 ވަނަ ދުވަހުގެ ހެނދުނު 8:30 އިން 10:30 އަށް އަދި، އެ ދުވަހުގެ މެންދުރު ފަހު 14:00 ން 15:45 އަށެވެ.
ސިޓީ ކައުންސިލުން ކޮށްފައިވާ އިޢުލާނުގައި އިތުރަށް ބުނެފައިވަނީ، ގްރޭޓާ މާލެ އޭރިއާގައި ހިމެނޭ މާލެ، ހުޅުމާލެ އަދި ވިލިމާލެ މަގުތަކުގައި ޢީދު ދުވަހު ހަވީރު 16:00ން 18:00އަށް، އިންޖީނުލީ އަދި ބެޓެރި ވެހިކަލް ދުއްވުމަކީ މަނާ ކަމެއް ކަމަށެވެ. އަދި މި އެންގުމާ ޚިލާފުވާ ފަރާތްތަކާމެދު ޤާނޫނީ ފިޔަވަޅު އަޅާނެ ކަމަށް ވެސް އެ އިޢުލާނުގައި ބުނެފައިވެއެވެ.
މި ނިންމުމަކީ މާލެ ސިޓީ ކައުންސިލްގެ 4 ވަނަ ދައުރުގެ 150 ވަނަ ރަސްމީ ޢާންމު ޖަލްސާއިން ފާސްކޮށްފައިވާ ނިންނުމެކެވެ. މި ނިންމުގައިވާ ގޮތުން، ކޮންމެ އަހަރެއްގެ ވެސް ފިތުރު ޢީދު ދުވަހާއި އަޟްޙާ ޢީދު ދުވަހު، ހަވީރު 16:00ން 18:00އަށް، މާލެ ސިޓީގެ މަގުތަކުގައި ދުއްވާ އެއްޗެހި ނުދުއްވޭ ގޮތަށް ހަމަޖައްސާފައިވެއެވެ.
މި ނިންމުމަކީ ޢީދު ދުވަހު ރައްޔިތުންނަށް މަގުމަތީގައި މިނިވަންކަމާއެކު ހިނގާބިނގާވެ އުޅުމަށް ފުރުޞަތު ދިނުމަށް އަމާޒުކޮށްގެން ނިންމާފައިވާ ނިންމުމެކެވެ. މިއީ ޢީދު ދުވަހުގެ އުފާވެރިކަން އިތުރުކޮށް، ޢާއިލާތަކަށް އެކުގައި ވަގުތު ހޭދަކުރުމަށް ފަހި ފުރުޞަތެއް ކަމުގައި ބެލެވެއެވެ.
Your email address will not be published. Required fields are marked *
ހިޔާލު *
ނަން
Δdocument.getElementById( "ak_js_1" ).setAttribute( "value", ( new Date() ).getTime() );
Email: [email protected] | Phone: +960 9770541Address: M. Golden Bones, 3rd Floor, Male‘ Maldives© Copyright 2020, Dhuvas.mv, All Rights Reserved