އއ. ރަސްދޫގައި ހިންގާ ޑައިވިން ސްކޫލްގައި ހިނގި އަލިފާނުގެ ހާދިސާ އާއި ގުޅިގެން 1.5 މިލިއަން ރުފިޔާގެ ބޮޑު ގެއްލުމެއް ލިބިފައިވާ ކަމަށް އެތަނުގެ ވެރިފަރާތުން ބުނެފި އެވެ.
ވީނިއުސްއަށް މިއަދު މައުލޫމާތު ދެއްވަމުން ޑައިވިން ސްކޫލްގެ ވެރިޔާ އަބްދުﷲ ނިޝާދު ބުނީ ރޭ ދަންވަރު ގާތްގަނޑަކަށް 2:30 ހާއިރު ހިނގި ހާދިސާ އާއި ގުޅިގެން ޑައިވިން ސްކޫލް އެއްކޮށް އަނދާ ހުލިވެފައިވާ ކަމަށާއި ގާތްގަނޑަކަށް 1.5 މިލިއަން ރުފިޔާގެ ގެއްލުން ލިބިފައިވާ ކަމަށެވެ.
ނިޝާދު ބުނީ އަލިފާން ރޯވި ސީދާ ސަބަބު އަދި ދެނެގަނެވިފައިނުވާ ކަމަށާއި ނަމަވެސް ބޮޑަށް ބެލެވެނީ ކަރަންޓު ޝޯޓެއްގެ ސަބަބުން ހިނގާ ދިޔަ ހާދިސާއެއް ކަމަށެވެ.