ގިނަ ބައަކަށް ވިސްނިފައި އޮންނަނީ ދެމަފިރިން ބައްދައިލުމަކީ ވަކިވަޤުތަކު ކުރަން އޮތް ކަމެއް ކަމަށެވެ. އެއީ ވަރަށް މޮޔަ ވިސްނުމެކެވެ. ދެމަފިރިން ކިތަންމެ ކުޑަކޮށް ނަމަވެސް ބައްދައިލުމަކީ އަންހެނުންގެ ސިކުނޑިއަށް އެންމެ ބޮޑަށް އަރާމުލިބޭ އެއްކަންތަކެވެ. 
ތަޖުރިބާއިން އެނގޭގޮތުގައި ދެމަފިރިން ގިނައިން ބައްދައިލާނަމަ އަންހެނުން ތިބެނީ ވަރަށް އުފަލުންނެވެ. ވަރަށް ބޮޑަށް ހިތްހަމަޖެހިގެންނެވެ. އެއީ ކުރިން މިބުނިފަދައިން އެމީހުންގެ ސިކުނޑިއަށް ލިބޭ އަރާމުގެ ސަބަބުންނެވެ. 
އެކުވެރި ފިރިންނޭވެ! އަނބިމީހާއާއި ބައްދަލުވުމުން ކިތަންމެ ކުޑަގޮތަކަށް ނަމަވެސް އަދި މިނިޓަކަށް ނަމަވެސް ބައްދައިލާށެވެ. ގއައާއި ކައިރިކޮށްލައި ކިތަންމެ ކުޑަ ގޮތަކަށް ނަމަވެސް ފިއްތައިލާށެވެ. ދަރިންގެ ކުރިމަތީގައިވެސް އެކަން ކުރެވޭނެއެވެ. އެތަން ފެނުމުން ދަރިންވެސް އުފާވާނެއެވެ. 
ތަޖުރިބާއިން އެނގޭ ގޮތުގައި އަނބިމީހާގެ ގައިގައި ގިނައިން ބައްދައިލާނަމަ އެކަމުން އަންގައިދެނީ އަނބިމީހާދެކެ ލޯބިވާވަރެވެ. އަނބިމީހާދެކެ ލޯބިނުވާ ފިރިއަކަށްވެސް ލޯބިވާކަމަށް ވަރަށް ފަސޭހައިން ބުނެވިދާނެއެވެ. ނަމަވެސް ލޯބިން ގިނަގިނައިން ބައްދައިލުމަކީ ކުރަން އެހާފަސޭހަ ކަމަކަށް ނޫވާނެއެވެ. އަދި ބައްދައިލިނަމަވެސް މިބުނިމަގުން ގާތްކުރުމަކީ ކުރަން ވަރަށް އުނދަގޫވާ ކަމެކެވެ.
 
- ތަޖުރިބާކާރު ޢިލްމްވެރިއެއްގެ ވާހަކަފުޅަކުން