ފަހިދިރިއުޅުން ކޯޕަރޭޝަނުގެ ޗެއާޕާސަން ކަމުގެ މަޤާމުގައި ހުންނެވި ނަޝްވާ އަބްދުﷲ މަޤާމުން މިއަދު ވަކިކޮށްފިއެވެ.
ޕްރައިވަޓައިޒޭޝަން އެންޑް ކޯޕަރަޓައިޒޭޝަން ބޯޑުން މިއަދު ވަނީ ނަޝްވާ ވަކިކުރިކަން ޔަގީންކޮށްދީފައެވެ. ޕީސީބީން ބުނީ އެފްޑީސީގެ ޗެއާޕާސަންކަމުގެ މަޤާމުގެ އިތުރުން ކުންފުނީގެ ބޯޑުންވެސް އޭނާ މިއަދުން ފެށިގެން ވަކިކޮށްފައިވާކަމަށެވެ. ނަޝްވާ މަޤާމުން ވަކިކުރި ސަބަބެއް ޕީސީބީއަކުން ނުބުނެއެވެ.
އެފްޑިސީގެ ޗެއާޕާސަންކަމުގެ މަޤާމަށް ނަޝްވާ އައްޔަނުކޮށްފައިވަނީ، 2024 ވަނަ އަހަރުގެ ޖެނުއަރީމަހުގެ 8 ވަނަ ދުވަހުއެވެ.