ޢާއިޝަތު ރަފާޙް ޢަލީ
 
ﷲ ސުބްޙާނަހޫ ވަތަޢާލާ އަޅުގަނޑުމެންގެ ގާތަށް ރަސޫލުން ފޮނުއްވީ ރަނގަޅު މަގު ދެއްކެވުމަށެވެ. އެގޮތުން ރަސޫލާ މުޙައްމަދު ޞައްލަ ﷲ ޢަލައިހި ވަސައްލަމައަކީ އެންމެ ފަހުގެ ނަބިއްޔާއެވެ. އަދި އެކަލޭގެފާނު އަމުރުކުރެއްވި ކޮންމެ ކަމެއް އަޅުގަނޑުމެން ތަބަޢަވާން ޖެހެއެވެ. 
އެހެންކަމުން މި ލިޔުމުގައި މިބަޔާން ކޮށްލަނީ ރަސޫލާ ޞައްލަ ﷲ ޢަލައިހި ވަސައްލަމަ އަށް ތަބަޢަވުމުގެ މުހިއްމުކަމާއި ބެހޭގޮތުން އައިސްފައިވާ ބައެއް ޙަދީޘުފުޅުތަކެވެ.  
ރަސޫލާ ޙަދީޘުފުޅު ކުރައްވާފައިވެއެވެެ.
· ما أمرتُكم بهِ فخُذوه ، و ما نَهيتُكم عنهُ فانتَهُوا
މާނައީ: "ތިމަންކަލޭގެފާނު ތިޔަބައިމީހުންނަށް އަމުރުކުރެއްވި ކޮންމެ ކަމެއްގައި ތޮޔަބައިމީހުން ހިފާށެވެ. އަދި ތިމަންކަލޭގެފާނު މަނާކުރެއްވި ކޮންމެ ކަމަކުން ދުރުވާށެވެ."
الدرر السنية - الموسوعة الحديثية - شروح الأحاديث (dorar.net)  
· ((لا يؤمن أحدكم حتى أكون أحبَّ إليه من ولده ووالده والناس أجمعين)).
މާނައީ: "އެމީހެއްގެ ބައްޕައާއި ދަރިފުޅާއި އެންމެހާ މީސްތަކުންނަށްވުރެ ބޮޑަށް އެމީހެއްގެ ގާތުގައި ތިމަންކަލޭގެފާނު ދެކެ ލޯބިވެއްޖެއުމަށް ދާންދެން ތިޔަބައިމީހުންކުރެ އެކަކުވެސް އީމާންވި ކަމުގައި ނުވެއެވެ."
حديث: لا يؤمن أحدكم حتى أكون أحب إليه من ولده ووالده والناس أجمعين (alukah.net)  
· لا يُؤمِنُ أحدُكُم حتَّى يكونَ هواهُ تَبَعًا لما جئتُ بهِ
މާނައީ: "އެމީހެއްގެ ހަވާނަފްސު ތިމަންކަލޭގެފާނު ގެނެސްދެއްވި އިރުޝާދުތަކަށް ތަބަޢަވެއްޖެއުމަށް ދާންދެން ތިޔަބައިމީހުންކުރެ އެކަކުވެސް އީމާންވިކަމުގައި ނުވެއެވެ."
الدرر السنية - الموسوعة الحديثية - شروح الأحاديث (dorar.net)