އައްޑޫގެ އެކި ސަރަަހަރައްދުތަކުން އެކި ގަޑިތަކުގައި ކަރަންޓު ކަނޑަމުން ގެންދާތީ އެކަމާ ކަންބޮޑުވުން ފާޅުކޮށް ރައްޔިތުންގެ މަޖިލީހަށް މިއަދު ކުއްލި މައްސަލައެއް ހުށަހަަޅައިފި އެވެ.ރައްޔިތުންގެ މަޖިލީހުގެ މިއަދުގެ ޖަލްސާގައި މި ކުއްލި މައްސަލަ ހުށަހެޅުއްވީ މަޖިލީހުގެ މައިނޯރިޓީ ލީޑަރު އަދި ހިތަދޫ ދެކުނު ދާއިރާގެ މެންބަރު އިބްރާހީމް ނާޒިލް އެވެ.މި ކުއްލި މައްސަލައަށް މަޖިލީހުގައި ބަހުސްކުރަން ފެންނަ ކަމަށް ފާސްވީ ވޯޓު ދެއްވި 57 މެންބަރުންގެ އިއްތިފާގުންނެވެ. އެ މައްސަލަ ބަލައިގަނެ މަޖިލީހުގައި ކުރި ބަހުސްގެ ފުރަތަމަ ފުރުސަތުގައި ނާޒިލު ވިދާޅުވީ އައްޑޫގެ ކަރަންޓުގެ ހިދުމަތަށް އެހާ ބޮޑަށް ބުރޫ އަރަން ދިމާވި އެއް ސަބަބަކީ ފެނަކައިގެ މާލޭ އޮފީހުގައި ތިބި އިސް ބޭފުޅުންގެ އިހުމާލުވުން ކަމަށެވެ. އޭނާ ތުހުމަތުކުރެއްވި ގޮތުގައި އައްޑޫގެ ކަރަންޓްގެ ހިދުމަތް ރަނގަޅަށް ދޭން ބޭނުންވާ ސްޕެއާޕާޓްސް ގަވައިދުން ނުފޮނުވާތާ ހަތް މަސް ދުވަސް ވެއްޖެ އެވެ."މި ވާހަކަ އައްޑޫ ސިޓީގައި ތިބި ފެނަކައިގެ އިސް ބޭފުޅުން މާލޭގައި ތިބި ވެރިންނާ މިވާހަކަ ދައްކައި ދައްކައި މީގެ ހައްލެއް ނުލިބި އޮވެ، މިވާހަކަ މިހިސާބަށް [މަޖިލީހަށް] އަންނަން މި ޖެހުނީ،" ނާޒިލު ވިދާޅުވި އެވެ.