އިތުބާރު ނެތްކަމުގެ ވޯޓެއް ނަގައި، ނައިބު ރައީސް ކަމުން އަހުމަދު އަދީބު ވަކިކޮށްފި އެވެ.
އަހުމަދު އަދީބުގެ އިތުބާރު ނެތްކަމުގެ ގަރާރު މަޖިލީހަށް ހުށަހެޅީ ފޮނަދޫ ދާއިރާގެ މެމްބަރު އަބްދުއްރަހީމް އަބްދުﷲ އެވެ.
މި ގަރާރަށް ރިޔާސަތުން ވޯޓަށް އެހުމުން ވޯޓު ދެއްވީ 61 މެމްބަރެކެވެ. އެ 61 މެމްބަރުންވެސް ވޯޓު ދެއްވީ އަދީބުގެ އިތުބާރު ނެތް ކަމަށެވެ.
އެއާއެކު ރިޔާސަތުން ވަނީ ނައިބުރައީސްގެ މަގާމުން އަދީބު ވަކިވެފައިވާކަން އިއުލާނު ކުރުމަށްފަހު މަޖލީހުގެ ޖަލްސާ ނިންމާލާފަ އެވެ.