"ހަވީރު" ގެ ނޫސްވެރިއަކަށް މީގެ އިރުކޮޅެއް ކުރިން އިންޒާރު ދީ އެސްއެމްއެސްއެއް ފޮނުވައިފި އެވެ.މިނިވަން ނިއުސް އަށް ހަމަލަ ދިނުމުގެ ތުހުމަތުގައި އަހުމަދު މުއާޒް ހައްޔަރުކުރި ކަމުގެ މައުލޫމާތު "ހަވީރަ"ށް ލިބި އެ ހަބަރު ލިޔަމުން ދަނިކޮށް އިންޒާރު ދިނީ ޕްރައިވެޓް ނަމްބަރަކުން ފޮނުވި ޓެކްސްޓް މެސެޖަކުންނެވެ."[ހައްޔަރުކުރި މީހާގެ] ނަން ލިޔެފި ނަމަ ދުއްވާލާނަން. ހަނދާން ކުރައްޗޭ،" އެ އެސްއެމްއެސްގައިވެ އެވެ.މިއަދު މެންދުރެއްހާއިރު މިނިވަން ނިއުސްގެ ސީސީޓީވީ ކެމެރާ ހަލާކުކޮށް، އެ ނޫހުގެ އިމާރާތުގެ އެހެން ބައެއްގެ ދޮރަށް ވަނީ ކަތިވަޅި ޖަހައިފަ އެވެ. އަދި އެ މައްސަލައިގެ ތުހުމަތަށް މިރޭ ވަނީ މުއާޒް ހައްޔަރުކޮށްފަ އެވެ.