ދައުލަތުގެ މާލިއްޔަތުން 64 ބިލިއަން ރުފިޔާ ހަރަދުކޮށްގެން ކުރީ ސަރުކާރުން ކުރި ކަމެއް ނެތްކަމަށް ވިދާޅުވެ ވިލުފުށީ ދާއިރާގެ މެމްބަރު ހަސަން ވަހީދު ނުރުހުން ފާޅުކުރައްވައިފިއެވެ.
މެމްބަރު ނުރުހުން ފާޅުކުރެއްވީ އަސްލު ޓީވީގެ ދިވެހިންގެ މެމްބަރު ޕްރޮގްރާމުގައި ވާހަކަފުޅު ދައްކަވަމުންނެވެ.
މެމްބަރު ވިދާޅުވީ ކުރީ ސަރުކާރުގެ އެއްވެސް ޕްރޮޖެކްޓަކުން މިހާތަނަށް ރައްޔިތުންނަށް އެއްވެސް މަންފާއެއް ކޮށްފައިނުވާކަމަށެވެ.
މިއަދު ރައީސް ކުރައްވާ މަސައްކަތްތަކަކީ އިހުލާސްތެރި މަސައްކަތްތަކެއްކަމަށާއި އެކަން މަޖިލީހަށް ހުށަހެޅޭ ބިލުތަކަށް ބަލާލުމުންވެސް އެނގިގެންދާނެކަމަށް މެމްބަރު ވިދާޅުވިއެވެ.
އަދި ރައީސް އެންމެ އިސްކަން ދެއްވީ މާލީ ހާލަތު ރަނގަޅުކުރުމަށްކަމަށާއި އެއާއެކުއެކީހެން އަދުލުގެ ނިޒާމު ރަނގަޅުކުރުމަށްވެސް މަސައްކަތް ފެއްޓެވިކަމަށް މެމްބަރު ވިދާޅުވިއެވެ.
ދައުލަތުގެ މާލިއްޔަތުން 64 ބިލިއަން ރުފިޔާ ހަރަދުކޮށްގެން ކުރީ ސަރުކާރުން ކުރި ކަމެއް ނެތްކަމަށް މެމްބަރު ވިދާޅުވިއިރު އެ ސަރުކާރުން ފަށާފައިވާ ބޮޑެތި އުމްރާނީ ތަރައްގީގެ މަޝްރޫއުތައް ނިންމުމުގެ މަސައްކަތްވެސް މިހާރުކުރަނީ މި ސަރުކާރުންނެވެ.