ށ. އަތޮޅު ނަރުދޫއަށް ވަގުތީގޮތުން ކަރަންޓު ފޯރުކޮށްދީފިއެވެ.
ފެނަކަ ކޯޕަރޭޝަނުން ބުނީ މިއަދު ހަވީރު ނަރުދޫއަށް އަލުން ކަރަންޓް ދީފައިވާ ކަމަށާއި އެހެންނަމަވެސް މިވަގުތު ކަރަންޓު ދެމުންދަނީ އެރަށު އިންޖީނުގޭގައި ހުރި ޖަނަރޭޓަރެއް މެދުވެރިކޮށް ވަގުތީގޮތުން ކަމަށެވެ.
އެ އަތޮޅު ފޭދޫން 128 ކިލޯވޮޓްގެ ޖަނަރޭޓަރެއް ނަރޫދޫއަށް ގެންގޮސްގެން ވީހާވެސް އަވަހަކަށް ދާއިމީ ކަރަންޓް ދިނުމުގެ މަސައްކަތް ކުރަމުން އަންނަ ކަމަށްވެސް އެ ކޯޕަރޭޝަނުން ބުންޏެވެ.
އެރަށު އިންޖީނު ގޭގައި މިއަދު މެންދުރު 12 ޖަހާއެހާކަންހާ އިރު ހިނގި އަލިފާނުގެ ހާދިޘާގައި އެ ރަށުން ވަނީ އެއްކޮށް ކަރަންޓު ކެނޑިފައިވަނީ 80ކިލޯ ވޯޓާއި 50 ކިލޯ ވޯޓްގެ ދެ އިންޖީނުގައި ރޯވެގެންނެވެ.
އެހެންނަމަވެސް އަލިފާން ރޯވިތާ ވިއްސަކަށް މިނެޓުގެ ތެރޭގައި ރައްޔިތުންގެ އެހީތެރިކަމަކާއިއެކު އަލިފާންގަނޑު ނިއްވާލާފައިވާ އިރު، އެރަށު އިންޖީނުގޭގައި އަލިފާން ނިންވާ ސިސްޓަމެއް ނެތް ކަމަށް މަޢުލޫމާތު ލިބެއެވެ.
މި ޙާދިޘާގައި އިންޖީނުގެ އެއްކޮށް އަނދާފައިވީ ނަމަވެސް ޢިމާރާތް ކައިރީ ހުރި އެހެން ތަނަކަށް އަލިފާނުގެ އަސަރުނުކުރާކަމަށް މަޢުލޫމާތު ލިބެއެވެ.
އާބާދީގައި 604 މީހުންދިރުއުޅެމުންދާ އެރަށުގެ 111 ގެއަކަށް އަންނަނީ ކަރަންޓު ދެމުންނެވެ.