އެމްޑީޕީ މެންބަރުން ތިބީ ދެ އާއިލާއެއްގެ ޒުވާބުގައި ތާށިވެ، ސިޔާސީ މަސައްކަތެއް ނުކުރެވިފައި ކަމަށް އެ ޕަޓީގެ ކުރީގެ ޗެއާޕާސަން ރީކޯ މޫސާ މަނިކް ވިދާޅުވެއްޖެއެވެ.
ރީކޯ އެކްސްގައި ކުރެއްވި ޕޯސްޓެއްގައި ވިދާޅުވީ، އެމްޑީޕީ 50،000 އެއްހާ މެންބަރުން ތިބީ ދެ އާއިލާއެއްގެ ޒުވާބުގައި ތާށިވެ، ސިޔާސީ މަސައްކަތެއް ނުކުރެވިފައި ކަމަށް ދޭހަވާ މޭރުމަކުން ވާހަކަ ދައްކާނަމަ ފުރަތަމަ މިކަމުން މިންޖުވާންޖެހޭ ކަމަށެވެ.
“ޕާޓީ ގެ ގައުމީ މަޖިލީސް މިފަދަ ނުފޫޒު ހުރި މީހުން ބުނާގޮތަަށް ވޯޓުނުދީ އާއްމު މެންބަރުންގެ ރޫހާ އެއްގޮތައް މަސައްކަތް ކުރުން އެދެން” ރީކޯ ވިދާޅުވިއެވެ. އެހެން ނޫންނަމަ ގައުމީ މަޖިލިސް އިންތިހާބު އަވަހަށް ބާއްވާ މިނިވަންކަމާއެކު ޕާޓީގެ ހިންގުން ހަރުދަނާކުރަންޖެހޭކަމަށްވެސް ރީކޯ ވިދާޅުވިއެވެ.
ކުރީގެ ރައީސް މުހައްމަދު ނަޝީދާއި، ކުރީގެ ރައީސް އިބްރާހިމް މުހައްމަދު ސޯލިހުގެ މެދުގައި އުފެދިފައިވާ ސިޔާސީ ހިޔާލު ނުތަނަވަސްވުންތަކާއި ގުޅިގެން ޕާޓީގެ މަސްލަހަތު ވަނީ ވަރަށް ބޮޑަށް ގޯސްވެފައެވެ.