ށ. ނަރުދޫއަށް އަލުން ކަރަންޓުގެ ހިދުމަތް ދިނުމަށް އެއަތޮޅު ފޭދޫއިން ޖަނަރޭޓަރެއް ގެނައުމުގެ މަސއްކަތް ކުރަމުންދާ ކަމަށް ފެނަކަ ކޯޕަރޭޝަނުން ބުނެފި އެވެ.
ފެނަކަ ކޯޕަރޭޝަނުން ނެރުނު ބަޔާނެއްގައި ބުނެފައިވަނީ ށ. ފޭދޫ އިން 128 ކިލޯވޮޓްގެ ޖަނަރޭޓަރެއް ނަރުދޫއަށް ގެންދިއުމުގެ މަސައްކަތް ކުރަމުން އަންނަ ކަމަށެވެ. އަދި ށ. އަތޮޅުގެ ރީޖަނަލް އޮފީހުގެ ޓެކްނިކަލް ޓީމެއް ނަރުދޫގައި ހަރަކާތްތެރިވާ ކަމަށް ވެސް ބުނެފައި ވެއެވެ.
މިއަދު މެންދުރު 12:00 ޖަހާކަށް ހާއިރު ނަރުދޫގެ އިންޖީނުގޭގައި ރޯވެ، މުޅި ރަށުން ކަރަންޓު ކެނޑި ދަތިތަކާ ވަނީ ކުރިމަތިލާން ޖެހިފަ އެވެ.