ކޮޅުމަޑުލު ވޭމަންޑޫ އިން ކަރަންޓު ކެނޑި މުޅިރަށް އަނދިރީގެ ތެރޭގައި ތަޙައްމަލުކުރަން ޖެހިއްޖެއެވެ.
މިއަދުނޫހަށް މަޢުލޫމާތު ދެއްވަމުން ވޭމަންޑޫގެ ރައްޔިތަކު ބުނީ އެރަށުގައި ބޭނުންކުރާ 3 ޖެނެރޭޓަރވެސް ހަލާކުވެފައިވާ ކަމަށާއި ރައްޔިތުން މިރޭ ތިބީ ކަނު އަނދިރީގައި ކަމަށެވެ.
"މިރަށުގެ އިންޖީނުތަކުގައި މައްސަލަ ޖެހިފައި ހުންނަތާ ވަރަށް ދުވަސް ވެއްޖެ މިހާރު. އެކަމަކު އެއްވެސް ހައްލެއް ނައިސް މިހާދުވަސްވެ، އެންމެ ފަހުން މިހާރު މިޖެހުނީ އަހަރުމެންގެ ޅަ ދަރިންނާއި އަނބިން ކަނު އަނދިރީގެ ތިބެން" ނަން ނުޖެހުމަށް ޝަރުޠުކޮށް މިއަދުނޫހަށް ކިޔައިދިނެވެ.
ވޭމަންޑޫގައި ހުންނަނީ 125 ވޮޓާއި 180 ވޮޓް އަދި 250 ވޮޓުގެ ޖެނެރޭޓަރއެވެ.
މިކަމާއިގުޅިގެން ފެނަކައިގެ ބަހެއް ހޯދުމަށް ކުރި މަސައްކަތް އަދިވަނީ ކާމިޔާބުވާގޮތް ނުވެފައެވެ.