ނޯވޭއިން ބްރެޒިލް ބަލިކޮށް، ފުރަތަމަ ފަހަރަށް ވޯލްޑް ކަޕްގެ ކުއާޓާ ފައިނަލަށް ދަތުރުކޮށްފިއެވެ.
މިހާރު ކުރިއަށްދާ ފީފާ ވޯލްޑް ކަޕްގެ ގަދަ 16 ގެ މެޗުގައި ރޭ ނޯވޭއިން ވަނީ ވަރުގަދަ ބްރެޒިލް 2-1 އިން ބަލިކޮށް، މުބާރާތުން ބްރެޒިލް ކަޓުވާލާފައެވެ. މިއީ 1990 ވަނަ އަހަރުގެ ފަހުން ވޯލްޑް ކަޕްގެ ކުއާޓާ ފައިނަލަށް ނުގޮސް ބްރެޒިލް ކެޓި ފުރަތަމަ ފަހަރެވެ.
މެޗުގައި ނޯވޭއިން ޖެހި ދެ ލަނޑުވެސް ކާމިޔާބުކޮށްދިނީ އެޓީމުގެ ތަރި އާލިންގް ހާލަންޑެވެ. މި ގޯލްތަކާއެކު އޭނާ ވަނީ މި ފަހަރުގެ މުބާރާތުގައި ޖުމްލަ 7 ލަނޑު ހަމަކޮށް، ލަނޑު ޗާޓުގެ ކުރީގައި އުޅޭ ލިއޮނަލް މެސީ އަދި ކިލިއަން އެމްބާޕޭއާ އަރާ ހަމަކޮށްފައެވެ.
މެޗުގެ ފަހު ހާފުގައި ބްރެޒިލްއަށް ލިބުނު ޕެނަލްޓީއަކުން ނޭމާ ލަނޑެއް ޖަހައި ފަރަގު ކުޑަކޮށްދިން ނަމަވެސް، ނަތީޖާ ހަމަހަމަކުރާނެ އިތުރު ވަގުތެއް ބްރެޒިލްއަކަށް ނުލިބުނެވެ. މެޗުގައި ނޯވޭގެ ކީޕަރު ނީލަންޑް ވަނީ ބްރޫނޯ ގިމަރޭޝް ޖެހި ޕެނަލްޓީއެއް މަތަކޮށް، މޮޅު ކުޅުމެއް ދައްކާފައެވެ.
ކުއާޓާ ފައިނަލްގައި ނޯވޭ ބައްދަލުކުރަން ޖެހޭނީ އިންގްލޭންޑާއި މެކްސިކޯ ބައްދަލުކުރާ މެޗުން މޮޅުވާ ޓީމަކާއެވެ.