އުމަރު މާލޭގައި ދޮރުން ދޮރަށް ހަރަކާތް ފަށައިފި

މި އަހަރުގެ ރިޔާސީ އިންތިޚާބުގައި އަމިއްލަގޮތުން ވާދަކުރައްވަން ނިންމަވާފައިވާ ކުރީގެ ހޯމް މިނިސްޓަރު އުމަރު ނަސީރު މާލޭގައި ދޮރުން ދޮރަށް ހަރަކާތް މިއަދު މާލޭގައި ފަށައިފިއެވެ. މިކަމާ ގުޅޭގޮތުން އުމަރު 'ސަން'އަށް ވިދާޅުވީ މާލޭގެ ބައެއް ގެދޮރުތަކަށް ޒިޔާރާތް ކުރުމުން ފެނިގެން ދިޔައީ މީހުން ދިރިއުޅެމުން އަންނަ ދަތި ހާލު ކަމަށެވެ. އަދި ރައްޔިތުން މާލޭގައި އުޅެމުން އަންނަނީ ވަރަށް ބޮޑު ތާށިކަމެއްގެ ތެރޭގައި ކަމަށް އޭނާ ވިދާޅުވިއެވެ. އުމަރު ވިދާޅުވީ އޭނާގެ ވެރިކަމެއްގައި ގޯތިގެދޮރުތަކުގައި މީހުން ތާށިވެގެން އުޅޭނެ ފުރުސަތު ނުދޭނެ ކަމަށެވެ. އެގޮތުން ވޭތުވެދިޔަ 15 އަހަރުތެރޭ ހައްލުނުވި ގޯތިގެދޮރުގެ މައްސަލަ، މުޅި ރާއްޖެއަށް އެންމެ ފަސް އަހަރުތެރޭ ހައްލުކޮށްދޭނެ ކަމަށް އުމަރު ވިދާޅުވިއެވެ. މިއަދުގެ ދޮރުން ދޮރަށް ހިންގުމުގެ ތެރެއިން ރައްޔިތުންގެ ކައިރީ އަޅުގަނޑު ބުނެފަ ވާނީ ގޯތިގެދޮރުގެ ހާލަތައް ހައްލެއް އަޅުގަނޑުގެ ފަސް އަހަރުތެރޭ ހޯދައިދޭނެ ކަމަށް އުމަރު ނަސީރު ރިޔާސީ އިންތިޚާބަށް ތައްޔާރުވުމުގެ ގޮތުން ރިޔާސީ އިންތިޚާބުގައި ވާދަކުރައްވާ އުމަރު ނަސީރު މާލޭގައި ދޮރުން ހަރަކާތުގައި--- އުމަރު ވިދާޅުވީ އޭނާގެ ވެރިކަމެއްގައި ގޯތި ދޫކުރާނީ އެއްވެސް ސިޔާސީ ނުފޫޒެއް ނުފޯރާ ގޮތަށް، އެހެން ހުރިހާ ކެންޑިޑޭޓުންނާއި ތަފާތުކޮށް، އެކަމަށް ހާއްސަކޮށް އެކުލަވައިލާ މިނިވަން މުއައްސަސާއަކުން ޝޯޓްލިސްޓް ކޮށްގެން ކަމަށެވެ. އުމަރު ވިދާޅުވި ގޮތުން ނަމަ، ސަރުކާރު އިދާރާތަކުން އެކަން ކުރާނަމަ އެކަމެއްގައި ސަރުކާރުގެ ނުފޫޒުން ބައެއް ފަރާތްތަކަށް ގޯތި ލިބުނު ނަމަވެސް، އޭނާގެ ވެރިކަމެއްގައި އެންމެ ނިކަމެތި މީހާ ވެސް ބާކީ ނުވާނެހެން ގޯތި ލިބޭނެ ކަމުގެ ޔަގީންކަން ދެއްވިއެވެ. މިހާތަނަށް ބައްދަލުކުރި ރައްޔިތުންގެ ޝުއޫރުތައް ހުރި ގޮތް ހިއްސާކުރައްވަމުން އުމަރު ވިދާޅުވީ ރައްޔިތުންނާ ދިމާވުމުން އޭނާ ބަލައިގަންނަކަން އެނގިގެން ދިޔަ ކަމަށެވެ. އަދި އޭނާއާ މެދު ރައްޔިތުން ދެކެނީ ވެސް ވަރަށް ޕޮޒިޓިވްކޮށް ކަމަށް އުމަރު ވިދާޅުވިއެވެ. އެމީހުން ގަބޫލުކުރޭ އަޅުގަނޑަކީ އެހެން ކެންޑިޑޭޓުންނާ ތަފާތު ބްރޭންޑެއް ކަމަށް. އަދި އަޅުގަނޑުގެ ސިޔާސީ ތަޖުރިބާއާ، ސަރުކާރުގެ ތަޖުރިބާއަށް ބަލާއިރު، އަޅުގަނޑަކީ އެންމެ ގާބިލް ކެންޑިޑޭޓުކަމަށް ގަބޫލުކުރޭ ރައްޔިތުންވެސް އުމަރު ނަސީރު އުމަރު ވަނީ ކުރިއަށް އޮތް ރިޔާސީ އިންތިޚާބަށް ތަފާތު ދައްކާނެ ކަމުގެ ޔަގީންކަން ދެއްވާފައެވެ.
އަރުޝީފަށް ނެގީ
އެންމެފަހުން އަޕްޑޭޓްކުރީ