ޖުޑިޝަލް ސަރވިސް ކޮމިޝަނުން އެމަނިކުފާނުގެ އެއްވެސް މައްސަލައެއް ބަލަމުންދާކަން އަންގާފައެއް ނެތް ކަމަށް ކްރިމިނަލް ކޯޓުގެ އިސްގާޒީ އަލްއުސްތާޒު އަޙްމަދު ހައިލަމް ވިދާޅުވެއްޖެއެވެ.
ކްރިމިނަލް ކޯޓުގެ އިސްގާޒީ އަލްއުސްތާޒު އަޙްމަދު ހައިލަމް މިހެން ވިދާޅުވީ މިހާރު ކުރިއަށްދާ ކުރީގެ ރައީސް އަބްދުﷲ ޔާމީންގެ ޝަރީއަތުގެ މަޖިލީހުގައި ރައީސް ޔާމީންގެ ދިފާޢީ ވަކީލު ނެންގެވި އިޖުރާއީ ނުކުތާ އަކާ ގުޅިގެން ވާހަކަ ދައްކަވަމުންނެވެ.
ގާޒީ ހައިލަމްގެ މައްސަލައެއް ޖުޑިޝަލް ސަރވިސް ކޮމިޝަނުން ބަލަމުންދާކަން އަންގަވާފައި ނުވާކަމަށް އެމަނިކުފާނު ވިދާޅުވެފައިވާއިރު މިދިޔަ ޖުލަައިމަހުގެ 31 ގައި ޖޭއެސްސީން ވަނީ ގާޒީ ހައިލަމްގެ މައްސަލައެއް އެކޮމިޝަނުން ބަލަމުންދާކަން ހާމަ ކުރައްވާފައެވެ.
ޖޭއެސްސީން ގާޒީ ހައިލަމްގެ މައްސަލަ ބެލުމަށްޓަކައި ތަޢުދީބީ ކޮމިޓީއަށް ފޮނުވުމަށް ނިންމާފައިވީ ނަމަވެސް ހައިލަމާ ގުޅޭގޮތުން ހުށައެޅިފައިވާ ޝަކުވާއަކީ ސީދާ ކޮބައިކަމެއް އެކޮމިޝަނުން ހާމަކޮށްފައެއް ނުވެއެވެ.
ކްރިމިނަލް ކޯޓުގެ ފަނޑިޔާރު ކަމަށް ހައިލަމް އައްޔަން ކުރެއްވީ މިދިޔަ އަހަރުގެ ޖެނުއަރީ މަސް ތެރޭގައެވެ. އަދި އެ ކޯޓުގެ އިސް ގާޒީ ކަމަށް އޭނާ އައްޔަން ކުރެއްވީ މިދިޔަ އަހަރުގެ މެދު ތެރޭގައެވެ.
ތަފްސީލް އަންނަނީ....