މެދުހެންވޭރު ދާއިރާގެ މެމްބަރު އަލީ އާޒިމްއާއި އަލިފުށީ ދާއިރާގެ މެމްބަރު މުހައްމަދު ނާޝިޒް ކޯޓަށް ހާޒިރުކުރުމަށް ސިވިލްކޯޓުން އަމުރެއް ނެރެފިއެވެ.
ނާޝިޒް އާއި އާޒިމް ކޯޓަށް ހާޒިރުކޮށްދިނުމަށް އަމުރު ނެރެފައިވާކަން ފުލުހުންވަނީ ސީއެންއެމްއަށް މިކަން ކަށަވަރުކޮށްދީފައެވެ. ކޯޓަށް ހާޒިރުކުރުމަށް އަންގާފަވަނީ މާދަމާ 1:30 ގައިއެވެ. އަމުރު ތަންފީޒު ކުރުމަސް މަސައްކަތް ކުރާނެ ކަމަށް ފުލުހުންގެ މީޑިއާ އޮފިޝަލް ވިދާޅުވިއެވެ.
ސީއެންއެމަށް މައުލޫމާތު ލިބިފައިވާ ގޮތުގައި އާޒިމާއި ނާޝިޒު ކޯޓަށް ހާޒިރު ކުރުމަށް އަމުރެއް ނެރެފައިވަނީ އެދެބޭފުޅުން ވެސް ގެރެންޓި ދީގެން ފުނައްޑޫ ޓޫނާ ޕްރޮޑަކްޓްސްއަށް ބީއެމްއެލްއިން ނަގާފައިވާ 117 މިލިޔަން ރުފިޔާގެ ލޯނުގެ މައްސަލާގައެވެ.
ޑީއާރުޕީގެ ލީޑަރ އަހުމަދު ތަސްމީން ޢަލީގެ ޢާއިލީ މަސްލަހަތު އޮންނަ ފުނައްޑޫގެ ލޯނުތަކަށް އާޒިމްއާއި ނާޝިޒްވަނީ ގެރެންޓީ ދެއްވާފައެވެ.