ރާއްޖޭގެ 50 ވަނަ ޖުމްހޫރީ ދުވަހާއި ގުޅުވައިގެން ބާއްވާ ޝަރަފުގެ ހިނގާލުން މާދަމާ އޮންނާނެ ކަމަށް އެމްއެންޑީއެފް އިން ބުނެފިއެވެ.
އެމްއެންޑީއެފްއިން ބުނީ މާދަމާ ހަވީރު މާލޭގައި ކުރިއަށްދާ މި ހިނގާލުން ފެށުމަށް ހަމަޖެހިފައިވަނީ ހަވީރު 4.00 ގައެވެ. ބަންޑާރަކޮށިން ފެށޭ މި ހިނގާލުން ނިންމާލާނީ ކަޅުތުއްކަލާ ކޮއްޓަށެވެ.
އެމްއެންޑީއެފުން އިތުރަށް ބުނިގޮތުގައި މި ހިނގާލުން ތިން ސަރަހައްދެއްގައި މަޑުކުރާނެއެވެ. އެގޮތުން މަޑުކުރަން ނިންމާފައިވަނީ ކާނިވާ ކުރިމަތީ ހުންނަ ޕެޓްރޯލް ޝެޑްގެ އިތުރުން ދަރުބާރުގެ ކައިރީގައްޔާއި ވިލާ ކޮލެޖް ކައިރީ ގައެވެ.