ހުޅުމާލޭގައި ފޭސް ދޭއްގައި އަޅާ ތިން ބުރީގެ މިސްކިތް، އަންނަ މަހު ފަހުކޮޅު ހުޅުވާނެ ކަމަށް އިސްލާމިކް މިނިސްޓްރީން މިއަދު ބުނެފި އެވެ.
ވީ ކިހިނެއް؟ - އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދު ވިދާޅުވި ގޮތުގައި، ހިޔާ ޓަވަރުތައް ކައިރީގައި އަޅަނީ ދާއިމީ މިސްކިތެކެވެ.
ބުނީ ކީކޭ؟ - އެ ސަރަހައްދުގެ ދާއިމީ އެހެން ބައެއް މިސްކިތްތައް ވެސް މި އަހަރު ހުޅުވާނެ ކަމަށް އޭނާ ވިދާޅުވި އެވެ.
"އަމާޒަކީ މި އަހަރުގެ ނިޔަލަށް ވަގުތީ ހުރިހާ މިސްކިތްތަކެއް ނިންމާލުން،" ޝަހީމް ވިދާޅުވި އެވެ.
އެނގުން މުހިންމު - ހުޅުމާލޭގައި އެންމެ ބޮޑު މިސްކިތެއްގެ ގޮތުގައި އަޅަނީ 2،000 މީހުންގެ ޖާގައިގެ މިސްކިތެކެވެ. މިއީ ދީނީ އިލްމުވެރިޔާ އިސްމާއީލު މުހައްމަދު، މ. ތޮއިބާގެ ހަރަދުގައި އަޅާ މިސްކިތެކެވެ.