މިހާ ސާފު ސަރީޙަކޮށް ރައީސް ޔާމީން ޢަބްދުލްޤައްޔުމަށް ގިނަ ރައްޔިތުން ނޫނެކޭ ބުނެ އެ ރައްޔިތުންގެ ނިންމެވުން އިއްވެވީމަ ވެސް އެކަން ގަބޫލު ނުކޮށް ރައްޔިތުން ރުޅިއެރުވުމަކީ ލަދުވެތިވާންޖެހޭ ކަމެއް ކަމަށް ރާއްޖޭގެ މަޝްހޫރު ދީނީ އިލްމުވެރިޔާ ޝެއިޚް އިލްޔާސް ޙުސައިން ވިދާޅުވެއްޖެއެވެ.
ޝެއިޚް އިލްޔާސް ކުރެއްވި ޓްވީޓެއްގައި ވިދާޅުވެފައިވަނީ އެފަދަ ފަރާތްތަކާމެދު ފިޔަވަޅުއަޅާ ދެއްވުމަށް ކަމާބެހޭ މުއައްސަސާތަކަށް ގޮވާލައްވާ ކަމަށެވެ.
Mihaa saafu sareehakoh RYAQ aha Gina rayyithun noonakey bune a rayyithunge nimmevun ivveveemaves ekan gaboolunukohrayyithun rulhieruvumakee ladhuvethi vaanjeheykameh efadha faraathakamedhu fiyavalhu alhai dhevvumah kamaa behey muassasaathakah govaalan
— Ilyas Hussain (@ilyaasipa) September 28, 2018
"މިހާ ސާފު ސަރީޙަކޮށް ރައީސް ޔާމީން ޢަބްދުލްޤައްޔުމަށް ގިނަ ރައްޔިތުން ނޫނެކޭ ބުނެ އެ ރައްޔިތުންގެ ނިންމެވުން އިއްވެވީމަ ވެސް އެކަން ގަބޫލު ނުކޮށް ރައްޔިތުން ރުޅިއެރުވުމަކީ ލަދުވެތިވާންޖެހޭ ކަމެއް. އެފަދަ ފަރާތްތަކާމެދު ފިޔަވަޅު އަޅާދެއްވުމަށް ކަމާބެހޭ މުއައްސަސާތަކަށް ގޮވާލަން" ޝެއިޚް އިލްޔާސް ވިދާޅުވިއެވެ.
ރާއްޖޭގެ ސިޔާސީ މައިދާނުގައި ހިނގާ ރައްޔިތުންނާއި ގުޅުން ހުރި ކަންތައްތަކަށް ފާޑު ވިދާޅުވެ އެކަންތައް ރަނގަޅު ކުރުމަށް ނަސޭހަތްތެރިވުމަކީ ޝެއިޚް އިލްޔާސް އަބަދުވެސް ކުރައްވާ ކަމެކެވެ.