ޕީޕީއެމްގެ މެމްބަރުކަމުން، އެ ޕާޓީގެ ރައީސް މައުމޫން އަބްދުލް ގައްޔޫމް މިރޭ ވަކިކޮށްފި އެވެ.
ވެރިކަން ކުރާ ޕާޓީ، ޕީޕީއެމް އުފެއްދެވި މައުމޫން އެ ޕާޓީގެ މެމްބަރުކަމުން މި ވަކިކުރީ އެމަނިކުފާނު އިދިކޮޅު ފަރާތްތަކާ ގުޅިގެން މަސައްކަތް ކުރައްވާތީ، ޕީޕީއެމްގެ ސުލޫކީ ކޮމެޓީ އަށް ހުށަހެޅި މައްސަލަ ބެލުމަށް ފަހު އެވެ.
އެ މައްސަލާގައި ޖަވާބުދާރީވުމުގެ ފުރުސަތު ސުލޫކީ ކޮމެޓީން މައުމޫނަށް އޮތީ ދީފަ އެވެ. ޖަވާބުދާރީ ނުވެއްޖެ ނަމަ ޣައިރު ހާޒިރުގައި މައްސަލަ ނިންމާނެ ކަން އެ ކޮމެޓީން އޮތީ ކުރިން އިއުލާންކޮށްފަ އެވެ.
ޕީޕީއެމްގެ މެމްބަރުކަމުން މައުމޫން މި ވަކިކުރީ އެމަނިކުފާނާ ދެކޮޅަށް އެ ޕާޓީގެ އިއްޔެގެ ކައުންސިލްގެ ބައްދަލުވުމަށް ހުށަހެޅި ގަރާރު އިއްތިފާގުން ފާސްކުރުމަށް ފަހު، އެއަށް ގޮތެއް ނިންމައިދޭން ސުލޫކީ ކޮމެޓީ އަށް ފޮނުވުމުންންނެވެ.