މާލޭގެ މީޑިއަމް ވޯލްޓޭޖް ޑިސްޓްރިބިއުޝަން ނެޓްވޯކްގެ މެއިންޓެނަންސް މަސައްކަތެއް ކުރުމަށްޓަކައި ބައެއް ސަރަހައްދުތަކުން ކުޑަ ވަގުތުކޮޅަކަށް ކަރަންޓް ކަނޑާލާނެ ކަމަށް ސްޓޭޓް އިލެކްޓްރިކް ކޮމްޕެނީ ލިމިޓެޑް (ސްޓެލްކޯ) އިން ބުނެފި އެވެ.
ސްޓެލްކޯއިން ބުނީ މަސައްކަތް ކުރަމުންދާ ވަގުތު ކަރަންޓް މެދުކެނޑޭނީ ހޭންވޭރާއި ގަލޮޅުގެ ބައެއް ސަރަހައްދުތަކުން ކަމަށެވެ.
ކަރަންޓް ކަނޑާލަން ހަމަޖެހިފައިވަނީ މާދަމާ އާއި އޭގެ އަނެއްދުވަހު ހެނދުނު 06:30 އިން ފެށިގެން ކުޑަ ވަގުތުކޮޅަކަށެވެ.