ފުލުހުންވަނީ އެމަނިކުފާނު ވަރަށް ބޮޑަށް ފިއްތާލާފައިކަމަށް ރައްޔިތުންގެ މަޖިލީހުގެ ކުޑަހުވަދޫ ދާއިރާގެ މެމްބަރު އަހުމަދު އާމިރު ވިދާޅުވެއްޖެއެވެ.
ފުލުހުންގެ ޤާނޫނަށް އިސްލާހު ހުށައަޅުއްވާ ކުޅުދުއްދުށީ ދެކުނު ދާއިރާގެ މެމްބަރު މުހައްމަދު ނަޝީދު ހުށައަޅުއްވާފައިވާ ބިލަށް ވާހަކަ ދައްކަވަމުން އާމިރު ބުދަ ދުވަހު ވިދާޅުވީ ޤާނޫނު އިސްލާހުކޮށްގެން ނަމަވެސް ފުލުހުންގެ ތެރެއަށް ވަދެފައިވާ ސިޔާސީ ނުފޫޒުން ފުލުހުން ދުރުކުރަންޖެހޭކަމުގައެވެ.
އާމިރު ވިދާޅުވީ ފުލުހުންގެ ވާހަކަތައް ނުދެއްކެވި ނަމަވެސް ފުލުހުންގެ ތެރޭގައި ބައިވަރު މައްސަލަތައް އެބަހުރިކަމަށެވެ.
"އެވެދާނެ އަޅުގަނޑު ޕާޓީއެއްގެ ލީޑަރަކަށް ނުވީމަކަމަށްވެސް، އެވެދާނެ އަޅުގަނޑުގެ ހައިސިއްޔަތު ތަންކޮޅެއްކުޑަވީތީކަމަށްވެސް، އެވެދާނެ އަޅުގަނޑު ފައިސާ ވެރިއަކަށް ނުވީތީކަމަށްވެސް، އެކަމަކު މިކަން މިޤައުމުގަ ހިގަމުންދަނީ މިއުސޫލުގެ މަތިން، އެހެންވީމަ އަޅުގަނޑު ދަންނަވާނީ މިފަދަ ޤާނޫނެއް އަޅުގަނޑުމެންނަށް މުހިއްމުވެއްޖޭ ވަރަށްކުރިން" އާމިރު ވިދާޅުވިއެވެ.
ފުލުހުން އެމަނިކުފާނު ވަރަށް ބޮޑަށް ފިއްތާލާފަ ވާކަމަށް ވިދާޅުވި ނަމަވެސް އެކަމުގެ ތަފްސީލެއް އާމިރު ވިދާޅެއްނުވެއެވެ.