ދިވެހި ފިލްމީ ދާއިރާގައި މި އަހަރަކީ އެންމެ ކާމިޔާބު އަދި އެންމެ ވިޔަފާރި ރަނގަޅު އަހަރު ކަމަށް ވާނެ އެވެ. މިއަހަރުގެ ތެރޭގައި ފިލްމީ ދާއިރާއަށް އާ މޫނުތަކެއް ތައާރަފު ކުރި އެވެ. ދިވެހި ފިލްމު ބަލަން ފޫހިވާ ކަމަށް ބުނި އެތައް ޒުވާނަކު މިއަހަރު އެޅުވި ފިލްމުތައް ބަލަން ސިނަމާތަކަށް ދިޔަ އެވެ. މިއީ ވެސް ކާމިޔާބީގެ ގޮތުގައި ގުނަންޖެހޭ ކަންކަމެވެ.
ބައިނަލްއަގްވާމީ ގޮތުން ދިވެހި ފިލުމީ ދާއިރާއިން މިއަހަރު ވަނީ ރީތި ނަމެއްވެސް ހޯދައިދީފަ އެވެ. އެހެންކަމުން މިއަހަރު ނިކުތް ފިލުތަކަށް ބަލާލުމުގެ ކުރިން ބަލާލާނީ ބައިނަލްއަގްވާމީ ގޮތުން ދިވެހި ފިލްމީ ދާއިރާއަށް ލިބުނު ކާމިޔާބަށެވެ.