ކ. މާފުށިން ގިނަ އަދަދެއްގެ ބިޔަރު ދަޅުތަކެއް ހޯދާ މީހަކު ހައްޔަރުކޮށްފި އެވެ.
ފުލުހުން ބުނީ މިމައްސަލާގައި ރޭ ދަންވަރު 12:37 ހާއިރު މާފުށިން ހައްޔަރުކޮށްފައިވަނީ 40 އަހަރުގެ ފިރިހެނެއް ކަމަށެވެ.
ފުލުހުން ބުނީ ލިބުނު މައުލޫމާތަކާއި ގުޅިގެން ހިންގި އޮޕަރޭޝަނެއްގައި މާފުށި ބަނދަރުމަތިން މި މީހާ ހައްޔަރުކުރީ 15 ބިޔަރު ދަޅާ އެކު ކަމަށެވެ.
މިމީހާގެ ބަންދާ މެދު ގޮތެއް ނިންމުމަށް މާފުށި މެޖިސްޓްރޭޓް ކޯޓަށް ހާޒިރުކުރުމުން ކޯޓުން ވަނީ އޭނާގެ ބަންދަށް 13 ދުވަސް ދީފަ އެވެ.
މާފުއްޓަކީ ރާއްޖޭގައި އެންމެ ގިނަ ގެސްޓް ހައުސް ހިންގާ ރަށެވެ. އަދި ސަރުކާރުގެ އެންމެ ބޮޑު ޖަލު ވެސް ހުންނަނީ މާފުށީގަ އެވެ.