ހަމައެއާއެކު، އިންޑިއާ އިން ރާއްޖެ އައި އުމުރުން 30 އަހަރުގެ މީހަކު އޭނާގެ ބޫޓުގެ ފުލުގައި މަސްތުވާތަކެތި ފޮރުވައިގެން އެތެރެކުރަން އުޅުނު މައްސަލައެއްވެސް ވަނީ ފެންމަތިވެފައެވެ. ކަސްޓަމްސް އިން އެ މީހާގެ ލަގެޖް ފާސްކުރިއިރު، އޭގެ ތެރޭގައި އޮތް ކޮތަޅެއްގައި ހުރި ދެ ޓެނިސް ބޫޓުގެ ފުލުގައި މަސްތުވާތަކެތި ފޮރުވާފައި ހުއްޓާ ވަނީ ފެނިފައެވެ.
ރާއްޖެއަށް މަސްތުވާތަކެތި އެތެރެކުރާ ބިދޭސީންގެ ތެރޭގައި އިންޑިއާ މީހުން އިތުރުވަމުންދާ މައްސަލައިގައި އެ ގައުމުގެ ނާކޮޓިކްސް ކޮންޓްރޯލް ބިއުރޯ (އެންސީބީ) އިން ވަނީ ކަންބޮޑުވުން ފާޅުކޮށް، ހާއްސަ އެޑްވައިޒަރީއެއްވެސް ނެރެފައެވެ. ރާއްޖޭގެ ގާނޫނުތަކުގައިވާ ގޮތުން މަސްތުވާތަކެތި އެތެރެކުރުމަކީ މަރުގެ އަދަބު ކަނޑައަޅާފައިވާ ބޮޑު ކުށެކެވެ.