ރާއްޖޭގެ ފުރަތަމަ ނިއުރޯ އިންޓަވެންޝަނަލް ރޭޑިއޮލޮޖީ ސްޕެޝަލިސްޓް ޑރ. މައީޝާ ޞާލިޙް, އިންދިރާ ގާންދީ މެމޯރިއަލް ހޮސްޕިޓަލް (އައިޖީއެމްއެޗް) އާއި ގުޅިވަޑައިގެންފިއެވެ.
ޑރ. މައީޝާ އައިޖީއެމްއެޗާ ގުޅިވަޑައިގަތުމުން، މީގެ ކުރިން ބޮޑެތި ޚަރަދުތައް ކޮށްފައި ރާއްޖެއިން ބޭރަށް ގޮސްގެން ހޯދަންޖެހޭ ސިކުނޑީގެ ނާރުތަކުގެ ގިނަ ފަރުވާތަކެއް ރާއްޖޭގައި ތިބެގެން ހޯދުމުގެ މަގު ފަހިވާނެއެވެ. މިއީ ރާއްޖޭގެ ސިއްހީ ނިޒާމަށް ލިބުނު ވަރަށް ބޮޑު ކުރިއެރުމެއް ކަމަށް އައިޖީއެމްއެޗުން ބުނެއެވެ.